சிறார் ஆபாச வீடியோ பகிர்ந்தவர் கைது!

Publish by: செய்திப்பிரிவு --- Photo : கோப்புபடம்


தடை செய்யப்பட்ட சிறார் ஆபாச படங்களை போலி கணக்குகள் தொடங்கி சமூகவலைதளத்தில் பதிவேற்றம் செய்தவரை கோவை போலீசார் கைது செய்துள்ளனர். குற்றவாளி சிக்கியது எப்படி? நாடு முழுவதும் சிறார் ஆபாசப்படங்களை பார்ப்பதும், தரவிறக்கம் செய்வது, பகிர்வது சட்டப்படி குற்றமாகும். தமிழகத்தில் இதுவரை 20க்கும் மேற்பட்டோர் ஆபாச படங்களை பகிர்ந்த வழக்கில் கைது செய்யப்பட்டுள்ளனர்.

 

கோவை மாவட்டம் கருமத்தம்பட்டி வளையபாளையம் பகுதியை சேர்ந்தவர் 32 வயதான ரங்கநாதன். தனியார் நூற்பாலை ஊழியரான இவர் முகநூலில் போலி கணக்குகள் மூலம் சிறார் ஆபாச படங்களை பகிர்ந்து வந்தது சென்னை சைபர் கிரைம் போலீசாருக்கு தெரியவந்தது.

 

அவரை தொடர்ந்து கண்காணித்து வந்த போலீஸார் புதன்கிழமை காலை வீட்டில் இருந்த ரங்கநாதனை கைது செய்தனர். விசாரணையில் சிறார் பாலியல் வீடியோக்களை பல்வேறு வாட்ஸ் அப் குழுக்களில் பகிர்ந்தது தெரியவந்தது.

 

அவர் மீது போக்சோ மற்றும் தகவல் தொழில்நுட்ப சட்டத்தின் கீழ் வழக்கு பதிவு செய்யப்பட்டது. ரங்கநாதனின் வாட்ஸ் அப் குழுக்களில் உறுப்பினர்களாக இருந்தவர்கள் யார் யார்? அவர்கள் யாருக்கெல்லாம் வீடியோக்களை பகிர்ந்தனர் என்பது குறித்தும் போலீசார் விசாரணை நடத்தி வருகின்றனர்.


Leave a Reply