அதிவேகமாக வந்த லாரி கட்டுப்பாட்டை இழந்து விபத்துக்குள்ளான காட்சி

கள்ளக்குறிச்சி அருகே மதுபோதையில் அதிவேகமாக லாரி ஓட்டி வந்து கண்காணிப்பு கேமராக்களை சேதப்படுத்தியதாக ஓட்டுநருக்கு ஒரு லட்சத்து 25 ஆயிரம் ரூபாய் அபராதம் விதிக்கப்பட்டது. சின்னசேலம் அருகே கனியமூர் கைகாட்டி என்ற இடத்தில் சென்னை சேலம் தேசிய நெடுஞ்சாலையில் அதிவேகமாக வந்த லாரி ஒன்று பேரிகார்டு மீது மோதி தடுப்பு சுவர் மேல் ஏறி அங்கிருந்த கண்காணிப்பு கேமரா கம்பத்தை இடித்து தள்ளியது.

பொதுமக்கள், போலீசார் இணைந்து அமைத்த 2 லட்சம் மதிப்புள்ள கண்காணிப்பு கேமராக்கள் இதில் சேதமடைந்த நிலையில் லாரி ஓட்டுநரை சிறைபிடித்து பொதுமக்கள் போலீசில் ஒப்படைத்தனர். சேதமடைந்த கேமராவை சீர் செய்வதற்காக நரேஸிடம் ஒரு லட்சத்து 25 ஆயிரம் ரூபாய் அபராதம் வசூலிக்கப்பட்டது.