குடியரசு தின விழாவையொட்டி டெல்லியில் உச்ச கட்ட பாதுகாப்பு..!

குடியரசு தின விழாவையொட்டி தலைநகர் டெல்லியில் உச்ச கட்ட பாதுகாப்பு போடப்பட்டுள்ளது. தலைநகர் டெல்லியில் குடியரசு தினவிழாவையொட்டி பேருந்து நிலையங்கள், ரயில் நிலையங்கள் , விமான நிலையங்களில் பாதுகாப்பு அதிகரிக்கப்பட்டுள்ளது.

குடியரசு தின அணிவகுப்பு நிகழ்ச்சிகள் நடைபெற உள்ள பகுதியை சுற்றியுள்ள இந்த மெட்ரோ நிலையங்கள் மூடப்பட்டுள்ளன. பொதுமக்கள் அதிகம் கூடும் பகுதிகளில் துப்பாக்கி ஏந்திய துணை ராணுவப் படையினரும் தீவிர ரோந்து பணிகளில் ஈடுபட்டு வருகின்றனர்.

டெல்லியில் உள்ள முக்கியமான மின்பகிர்மான நிலையங்களில் அசம்பாவித சம்பவங்கள் ஏற்படலாம் என உளவுத்துறை எச்சரிக்கை விடுத்துள்ளதால் பாதுகாப்பு தீவிரப்படுத்தப்பட்டுள்ளது. டெல்லியில் போராடும் விவசாயிகளின் இடங்கள் அனைத்தும் தீவிரமாக கண்காணிக்கப்பட்டு வருகின்றன.

ஹரியானா, உத்தரப் பிரதேசம் உள்ளிட்ட மாநிலங்களில் இருந்து நுழையும் வாகனங்கள் அனைத்தும் தீவிர தணிக்கைக்கு உட்படுத்தப்படுகின்றன.