கோழிக்கு கொரோனாவா? வதந்தி பரப்புவோர் மீது நடவடிக்கை

கொரொனா வைரஸ் குறித்து வதந்தி பரப்புவோர் மீது நடவடிக்கை எடுக்கக்கோரி நாமக்கல் வந்த தமிழக முதல்வரிடம் கோழிப்பண்ணையாளர்கள் சம்மேளனத்தினர் மனு அளித்தனர். சமூகவலைதளங்களில் கொரொனா வைரஸ் குறித்த பல்வேறு வதந்திகள் பரவி வருகின்றன.

இதில் கோழி இறைச்சி மற்றும் முட்டை சாப்பிடக்கூடாது என்று வதந்தி பரவியதால் கறிக்கோழி விற்பனை வெகுவாக குறைந்துள்ளது. இதனால் கோழி விற்பனையில் கடும் பாதிப்பு ஏற்படுவதாகவும், எனவே வதந்திகளை பரப்புவோர் மீது உடனடியாக நடவடிக்கை எடுக்க வேண்டும் என்றும் கூறி கோழி பண்ணையாளர் சம்மேளனத்தினர் முதல்வர் எடப்பாடி பழனிசாமியிடம் மனு அளித்தனர்.