மகாத்மா காந்தியுடன் பிரதமர் மோடி இருப்பது போன்ற ஓவியம் – ரூ.25 லட்சத்துக்கு ஏலம்

பிரதமர் நரேந்திர மோடிக்கு வந்த பரிசுப் பொருட்கள் ஏலம் விடப்பட்ட நிலையில் மகாத்மா காந்தியுடன் மோடி இருப்பது போன்ற ஓவியம் அதிகபட்சமாக 25 லட்சம் ரூபாய்க்கு ஏலம் போனது.

 

பிரதமர் நரேந்திர மோடிக்கு வெளிநாட்டு பயணங்கள் மற்றும் நிகழ்ச்சிகளின்போது வழங்கப்பட்ட பரிசுப் பொருட்கள் கடந்த செப்டம்பர் மாதம் ஏலம் விடப்பட்டன. சால்வை, தலைப்பாகை, ஓவியங்கள், நினைவுச்சின்னங்கள் உள்ளிட்ட பெருமளவு பரிசுப் பொருட்கள் ஏலம் விடப்பட்டன .

 

இதில் அதிகபட்சமாக மகாத்மா காந்தியுடன் மோடி இருப்பதுபோல வரையப்பட்ட ஓவியம் 25 லட்சம் ரூபாய்க்கு ஏலம் எடுக்கப்பட்டுள்ளது. பிரதமர் மோடி அவருடைய தாயாரிடம் இருந்து ஆசி பெறும் புகைப்படம் 20 லட்சம் ரூபாய்க்கு ஏலம் போனது .இந்த ஏலத்தின் மூலமாக திரட்டப்பட்ட நிதி கங்கையை தூய்மைப்படுத்தும் பணிக்கு பயன்படுத்தப்பட உள்ளதாக அறிவிக்கப்பட்டுள்ளது.


Leave a Reply