ஐ.பி.எல். கிரிக்கெட் முதலாவது தகுதி சுற்று போட்டியில் சென்னை-மும்பை அணிகள் நாளை பலப்பரிட்சை!

Publish by: செய்திப்பிரிவு --- Photo : கோப்பு படம்


ஐ.பி.எல். கிரிக்கெட் தொடரில், லீக் சுற்றுகள் நேற்றுடன் நிறைவடைந்து, நாளை தகுதிச் சுற்று போட்டிகள் தொடங்குகிறது. நாளைய போட்டியில் சென்னை-மும்பை அணிகள் மோதுகின்றன.

 

ஐ.பி.எல். கிரிக்கெட் தொடரின் லீக் சுற்றுகள் முடிவில், முதல் 4 இடங்களை பிடித்த மும்பை இந்தியன்ஸ், சென்னை சூப்பர் கிங்ஸ், டெல்லி கேப்பிட்டல்ஸ், ஐதராபாத் சன்ரைசர்ஸ் ஆகிய அணிகள் இறுதிப்போட்டிக்கு முந்தைய ‘பிளே-ஆப்’ சுற்றுக்கு முன்னேறியுள்ளன.

 

சென்னை சேப்பாக்கத்தில் நாளை இரவு நடக்கும் முதலாவது தகுதி சுற்றில் சென்னை சூப்பர் கிங்ஸ்-மும்பை இந்தியன்ஸ் அணிகள் மோதுகின்றன. இதில் வெற்றி பெறும் அணி நேரடியாக இறுதிப்போட்டிக்கு தகுதி பெறும். தோற்கும் அணிக்கு இன்னொரு வாய்ப்பு வழங்கப்படும்.

 

வரும் 8ஆம் விசாகப்பட்டினத்தில் நடக்கும் வெளியேற்றுதல் சுற்றில் (எலிமினேட்டர்) 3 மற்றும் 4 ஆம் இடங்களை பெற்ற டெல்லி – ஐதராபாத் அணிகள் விளையாடுகின்றன. இதில் தோற்கும் அணி, தொடரில் இருந்து வெளியேறும்.

 

வெற்றி காணும் அணி, முதலாவது தகுதி சுற்றில் தோல்வி கண்ட அணியுடன், வரும் 10 ஆம் தேதி விளையாடும். இறுதிப்போட்டி, வரும் 12 ஆம் தேதி ஐதராபாத்தில் நடக்கிறது.


Leave a Reply