அயோத்தியில் பள்ளிவாசல் கட்ட இடம் ஒதுக்கியது உ.பி.அரசு

அயோத்தியாவில் பள்ளிவாசல் அமைக்க 5 ஏக்கர் நிலத்தை ஒதுக்கிய முடிவிற்கு உத்திரப்பிரதேச அமைச்சரவை ஒப்புதல் அளித்துள்ளது. அயோத்தியில் ராமர் கோவில் அமைய உள்ள இடத்தில் இருந்து 25 கிலோமீட்டர் தொலைவில் தண்ணிபூர் என்ற கிராமத்தில் 5 ஏக்கர் நிலம் ஒதுக்கப்பட்டுள்ளது.

மூன்று இடங்களில் நிலம் தேர்வு செய்யப்பட்டு அனுப்பியதில் இந்த இடத்தை மத்திய அரசு தேர்வு செய்ததாக மாநில அரசு தெரிவித்துள்ளது. அதேசமயம் அயோத்தியாவிற்க்கு வரும் பக்தர்கள் 15 கிலோ மீட்டர் முன்னதாகவே ராமருக்கு வணக்க வழிபாடுகளை செய்வார்கள்.

அந்த எல்லைக்கு அப்பால் மட்டுமே பள்ளிவாசலுக்கு இடமளிக்க வேண்டும் என்று இந்து அமைப்புகள் வலியுறுத்தியதால் இந்த இடம் தேர்வு செய்யப்பட்டுள்ளதாகவும் கூறப்படுகிறது.