பேடிஎம் ஊழியருக்கு கொரோனா பாதிப்பு

இந்தியாவில் கொரோனா வைரஸ் பாதிப்புக்குள்ளாகி இருப்பவர்களில் ஒருவர் தங்கள் நிறுவனத்தில் பணியாற்றுபவர் என பேடிஎம் நிறுவனம் கூறியுள்ளது. இத்தாலியிலிருந்து சமீபத்தில் திரும்பிய ஒரு ஊழியருக்கு பாதிப்பு உறுதி செய்யப்பட்டுள்ளதாக அந்த நிறுவனம் தெரிவித்துள்ளது.

அலுவலகத்தில் பணியாற்றி வரும் அந்த நபருக்கு உரிய மருத்துவ சிகிச்சை அளிக்கப்பட்டு வருவதாக தெரிவித்துள்ளது. முன்னெச்சரிக்கை நடவடிக்கையாக அவருடன் பணியாற்றிய ஊழியர்களை மருத்துவ பரிசோதனை செய்துகொள்ள அறிவுறுத்தி இருப்பதாகவும் கூறியுள்ளது.