பாதுகாப்பு உபகரணம் இன்றி கழிவுகளை அகற்றும் துப்புரவு தொழிலாளர்கள் – கோவையில் தான் இந்த அவலம்

கோவையில் எந்தவித பாதுகாப்பு உபகரணங்களும் இன்றி, துப்புரவு தொழிலாளர்கள் கழிவுகளை அகற்றும் அவல நிலை ஏற்பட்டுள்ளது.

தற்போது தமிழகம் முழுவதும் வடகிழக்கு பருவ மழை பெய்து வருவதால் கழிவுநீர் கால்வாய்களில் உள்ள கழிவு நீரை அகற்றும் பணியில் துப்புரவு பணியாளர்கள் ஈடுபட்டு வருகின்றனர். இந்நிலையில் கோவையில் கழிவுகளை அகற்றும் பணியில் ஈடுபட்டிருந்த துப்புரவு தொழிலாளர்கள், அரசு அறிவுறுத்திய எந்தவித பாதுகாப்பு உபகரணங்களும் இல்லாமல் கழிவுகளை அகற்றி வருகின்றனர். மேலும் வெறும் கையில் அவர்கள் கழிவுகளை அகற்றும் அவலமும் அரங்கேறியுள்ளது.

கழிவுகளை அகற்ற மாநகராட்சி நிர்வாகம் தங்களுக்கு கையுறைகள் கூட வழங்குவதில்லை என துப்புரவு தொழிலாளர்கள் குற்றம்சாட்டியுள்ளனர்.