திருவாடானையில் கண்காணிப்பு கேமராக்கள் பழுது.. குற்ற செயல்கள் அதிகரிக்கும் அபாயம்..!

திருவாடானை நகரின் மையப்பகுதியான நான்கு ரோடு சந்திப்பு சாலை பகுதியில் கண்காணிப்பு கேமராக்களின் பராமரிப்பின்றி பாதுகாப்பற்ற நிலையில் உள்ளது. இந்த சந்திப்பு, தொண்டி, திருவாடானை பேருந்து நிலையம், ஓரியூர் மற்றும் சன்னதி தெரு போன்ற முக்கிய பகுதிகளுக்கு செல்லும் பிரதான வழியாக செயல்படுகிறது.

நகரின் போக்குவரத்து நெரிசலைக் கட்டுப்படுத்துவதிலும், சட்டம் ஒழுங்கைப் பராமரிப்பதிலும் இந்தச் சந்திப்பு முக்கியப் பங்கு வகிக்கிறது. துரதிர்ஷ்டவசமாக, தற்போது இங்கு அமைக்கப்பட்டுள்ள கண்காணிப்பு கேமராக்கள் பழுதடைந்து பராமரிப்பு இல்லாமல் உள்ளன.

இதனால், இப்பகுதியில் நடைபெறும் திருட்டு, சாலை விபத்துகள், போக்குவரத்து விதிமீறல்கள் போன்ற குற்றச் செயல்களைக் கண்காணிப்பதிலும், குற்றவாளிகளை அடையாளம் காண்பதிலும் பெரும் சிக்கல் ஏற்பட்டுள்ளது. குற்றச் செயல்களில் ஈடுபடுவோர், இதனால், பொதுமக்களின் பாதுகாப்பு கேள்விக்குறியாகி உள்ளது.

மேலும், விபத்துகள் நடந்தால் உண்மையான குற்றவாளிகளைக் கண்டறிவதில் சிரமம் நேரிடுகிறது. சம்பந்தப்பட்ட அதிகாரிகள் உடனடியாக கவனம் செலுத்தி, பழுதடைந்த கண்காணிப்பு கேமராக்களை சரிசெய்து, இப்பகுதியின் பாதுகாப்பை உறுதி செய்ய வேண்டும் என்று பொதுமக்கள் தரப்பில் கோரிக்கை விடுக்கப்பட்டுள்ளது.

கேமராக்கள் சீராக செயல்பட்டால், குற்றச் செயல்களைக் குறைப்பதோடு, சட்டம் ஒழுங்கைப் பராமரிக்கவும் உதவியாக இருக்கும். உடனடி நடவடிக்கை எடுக்க வேண்டும் என்பதே அனைவரின் எதிர்பார்ப்பாக உள்ளது.