சிந்துவெளி பண்பாட்டு கண்டுபிடிப்பு நூற்றாண்டு நிறைவு விழா..!

சிந்துவெளி எழுத்து வடிவ நாகரிகம் குறித்து விளக்கம் அளிக்கும் நபருக்கு ஒரு மில்லியன் அமெரிக்க டாலர் பரிசு வழங்கப்படும் என்று முதலமைச்சர் மு.க.ஸ்டாலின் அறிவித்துள்ளார்.

சிந்துவெளி பண்பாட்டுக் கண்டுபிடிப்பு நூற்றாண்டு நிறைவு விழாவையொட்டி, சென்னை எழும்பூர் அரசு அருங்காட்சியகத்தில் மூன்று நாட்கள் நடைபெறும் பன்னாட்டுக் கருத்தரங்கை முதலமைச்சர் மு.க.ஸ்டாலின் தொடங்கி வைத்தார்.

அப்போது, “சிந்துவெளி வரிவடிவங்களும் தமிழ்நாட்டுக் குறியீடுகளும்; ஒரு வடிவியல் ஆய்வு” என்னும் நூலை முதலமைச்சர் வெளியிட அமைச்சர் தங்கம் தென்னரசு பெற்றுக்கொண்டார் தொடர்ந்து சர் ஜான் மார்ஷல் சிலை அமைக்க முதலமைச்சர் மு.க.ஸ்டாலின் காணொளி காட்சி வாயிலாக அடிக்கல் நாட்டினார்.

இந்நிகழ்ச்சியில் பேசிய முதலமைச்சர், ஆரியமும் சமஸ்கிருதம்தான் இந்தியாவின் மூலமென சிலர் கூறியதாகவும், அதை மாற்றியது ஜான் மார்ஷலின் ஆய்வு அறிக்கை தான் என்று பெருமிதம் தெரிவித்தார்.

அவரது ஆய்வறிக்கை இந்திய துணை கண்டத்தின் வரலாற்றில் திருப்பு முனையை உருவாக்கி கடந்த காலம் பற்றிய புரிதலை மாற்றி அமைத்ததாகவும், அவரை கவுரவிப்பது தமிழ்நாடு அரசிற்கு பெருமை என்றும் தெரிவித்தார்.