வேலூர் அருகே சாலை விபத்தில் அதிமுக முன்னாள் எம்.எல்.ஏ. உட்பட 3 பேர் உயிரிழப்பு

வேலூர்:  ஆம்பூர் அருகே நிகழ்ந்த கார் விபத்தில் அதிமுக முன்னாள் எம்.எல்.ஏ. சுந்தரவேல், அவரது மனைவி உட்பட 3 பேர் உயிரிழந்தனர்.

முன்னாள் எம்.எல்.ஏ. சுந்தரவேல் தனது காரில் ஆம்பூரில் இருந்து வாணியம்பாடிக்கு சென்று கொண்டிருந்தார். விண்ணமங்கலம் அருகே கார் சென்று கொண்டிருந்த போது கட்டுப்பாட்டை இழந்து லாரி மீது கார் மோதியது.

இதில் லாரியின் அடிப்பகுதியில் கார் சிக்கி அப்பளம் போல் நொறுங்கியது. இந்த விபத்தில் முன்னாள் எம்எல்ஏ சுந்தரவேல், அவரது மனைவி உள்பட 3 பேர் சம்பவ இடத்திலேயே இறந்தனர்.

இறந்த சுந்தரவேல், 1991 முதல் 1996 வரை திருப்பத்தூர் சட்டமன்ற தொகுதியின் அதிமுக எம்.எல்.ஏ.வாக இருந்தவர். அதன்பின் அமமுக நகர செயலாளராக பதவி வகித்து வந்தார்.

*