திருப்பூர் தெற்கில் மக்கள் வெள்ளத்தில் திமுக வேட்பாளர் தினேஷ்குமார் பிரசாரம்!

திருப்பூர் தெற்கு சட்டப்பேரவைத் தொகுதிக்கு உட்பட்ட பல்வேறு பகுதிகளில் திமுக வேட்பாளர் தினேஷ்குமார் தனது இறுதிக்கட்ட வாக்கு சேகரிப்பில் தீவிரமாக ஈடுபட்டு வருகிறார். தேர்தல் இன்றுடன் ஓய்வு பெறும் நிலையில், தெற்கு தொகுதி வேட்பாளர் தினேஷ்குமார், தொகுதி முழுவதும் வீடு வீடாகச் சென்று பொதுமக்களைச் சந்தித்து உதயசூரியன் சின்னத்திற்கு ஆதரவு திரட்டினார்.

இந்த பிரசாரத்தின் போது மகளிர், இளைஞர்கள் மற்றும் மூத்த குடிமக்கள் என அனைத்து தரப்பு மக்களும் அவருக்கு உற்சாகமான வரவேற்பு அளித்தனர். குறிப்பாக, தொழிலாளர்கள் நிறைந்த பகுதிகளில் அவருக்குப் பூரண கும்ப மரியாதை அளிக்கப்பட்டதோடு, பொதுமக்கள் பல இடங்களில் அவருக்கு மலர் தூவி வரவேற்பு அளித்தது பெரும் கவனத்தை ஈர்த்தது.

மக்களிடையே உரையாற்றிய தினேஷ்குமார், இது வெறும் தேர்தல் மட்டுமல்ல, பாசிச சக்திகளுக்கு எதிராக ஒட்டுமொத்த மக்கள் சக்தியும் ஒன்றுபட்டு எழும் ஒரு போராட்டத்தின் வெளிப்பாடு என்று உணர்ச்சிகரமாகத் தெரிவித்தார். தமிழகத்தின் உரிமைகளைப் பாதுகாக்கவும், மக்கள் நலன் சார்ந்த ஆட்சியை மீண்டும் நிலைநிறுத்தவும் உதயசூரியன் சின்னத்திற்கு வாக்களிப்பது அவசியம் என்று அவர் வலியுறுத்தினார்.

தொகுதி முழுவதும் மக்கள் காட்டும் பேரன்பும், ஆதரவும் தனக்கு கூடுதல் உற்சாகத்தைத் தருவதாகவும், மக்களின் இந்த உறுதியான குரல் வரும் தேர்தலில் பெரும் மாற்றத்தை ஏற்படுத்தும் என்றும் அவர் நம்பிக்கை தெரிவித்தார். பிரசாரத்தின் போது மக்களுடன் இயல்பாகக் கலந்துரையாடியது தொகுதி மக்களிடையே நல்லதொரு தாக்கத்தை ஏற்படுத்தியுள்ளது.