--- --:--:-- --

கேரள காங்கிரஸ் நிர்வாகி ஸ்டிங் ஆபரேஷனில் கைது!

9

கேரளத்தில் மருத்துவமனைகள் நடத்தி வரும் மருத்துவரிடம் ரூ.10 லட்சம் கேட்டு மிரட்டி பணம் பெற்றதாகக் கூறப்படும் காங்கிரஸ் நிர்வாகி, போலீஸார் நடத்திய திட்டமிட்ட நடவடிக்கையில் கைது செய்யப்பட்டுள்ளார். மருத்துவர் நடத்திய ஸ்டிங் ஆபரேஷனில், ரூ.10 லட்சம் பணத்தைப் பெற்றபோது அவர் கையும் களவுமாகப் பிடிபட்டார். இந்தச் சம்பவத்தைத் தொடர்ந்து, அவர் கட்சியின் அடிப்படை உறுப்பினர் பொறுப்பிலிருந்து நீக்கப்பட்டுள்ளார்.

 

 

திருவனந்தபுரம் மாவட்ட காங்கிரஸ் கமிட்டியின் (DCC) செயலாளராக இருந்த சுஹைல் ஷாஜஹான், செவ்வாய்க்கிழமை கைது செய்யப்பட்டார். கேரளத்தில் சபீன் மருத்துவமனைகள் என்ற பெயரில் மருத்துவமனைகளின் தொடர் நிறுவனங்களை நடத்தி வரும் மருத்துவர் சபின் சிவதாசன், அவரைப் பிடிப்பதற்காகப் பொறி வைத்தார். அப்போது, சுஹைல் ஷாஜஹான் ரூ.10 லட்சம் பணத்தைப் பெற்றுக்கொண்டதை வீடியோவாகப் பதிவு செய்தார்.

 

 

 

இந்தச் சம்பவத்தைத் தொடர்ந்து, ஷாஜஹானை கட்சியின் அடிப்படை உறுப்பினர் பொறுப்பிலிருந்து நீக்கியுள்ளதாக திருவனந்தபுரம் மாவட்ட காங்கிரஸ் கமிட்டித் தலைவர் என். சக்தன் தெரிவித்தார்.

இதுகுறித்து எதிர்க்கட்சித் தலைவரும் முன்னாள் முதலமைச்சருமான பினராயி விஜயன் தனது ஃபேஸ்புக் பதிவில், “மாவட்ட காங்கிரஸ் கமிட்டி உறுப்பினர் தொடர்புடைய இந்தப் பணப்பறிப்பு வழக்கு, காங்கிரஸ் கட்சியின் சீரழிந்து வரும் அரசியல் கலாசாரத்தின் மோசமான முகத்தைக் காட்டுகிறது. எந்தத் தவறு செய்தாலும் அரசியல் ஆதரவு கிடைக்கும் என்ற நம்பிக்கையே இத்தகைய ஆணவமான நடத்தைக்குக் காரணம். கடந்த ஆறு மாதங்களாக கேரளத்தில் காங்கிரஸ் ஆட்சியின் கீழ் வளர்ந்திருப்பது, மக்களைக் கொள்ளையடிப்பதை அடிப்படையாகக் கொண்ட மாஃபியா பாணி அரசியலைத் தவிர வேறொன்றுமில்லை” என்று விமர்சித்துள்ளார்.

 

 

பல மூத்த காங்கிரஸ் தலைவர்களுடன் நெருக்கமாக இருப்பதாகக் கூறப்படும் ஷாஜஹான், மருத்துவருக்கு எதிராக அவதூறு செய்தி ஒன்றைத் தனது உதவியாளரின் யூடியூப் சேனலில் வெளியிடச் செய்ததாகவும், அந்த வீடியோவை நீக்குவதற்காக ரூ.10 லட்சம் கேட்டதாகவும் போலீஸார் தெரிவித்தனர்.

 

 

இந்தச் சம்பவத்தில், யூடியூப் சேனலின் உரிமையாளர் பினீஷும் கைது செய்யப்பட்டுள்ளார். மருத்துவமனைக் குழுமத்தில் முன்னாள் செவிலியராகப் பணியாற்றிய நிஷா உள்ளிட்ட மேலும் மூன்று பேரும் கைது செய்யப்பட்டுள்ளனர். அந்த அவதூறு வீடியோவுக்கான தகவல்களை நிஷா காங்கிரஸ் நிர்வாகிக்கு வழங்கியதாகக் கூறப்படுகிறது.

 

 

முதலில், காங்கிரஸ் நிர்வாகி மீது மருத்துவர் திருவனந்தபுரம் போலீஸாரிடம் புகார் அளித்ததாகத் தகவல்கள் தெரிவிக்கின்றன. போலீஸாரின் அறிவுறுத்தலின்படி, மருத்துவர் சிவதாசன், ஷாஜஹானைப் பிடிப்பதற்காக வீடியோ மூலம் பணம் கொடுக்கும் நடவடிக்கையை ஏற்பாடு செய்தார். அதன்படி, பணக்கட்டுகளை அவரிடம் ஒப்படைத்தார். மருத்துவர் தனது பையில் இருந்து ஒவ்வொரு பணக்கட்டாக எடுத்துக் கொடுத்தபோது, ஷாஜஹான் அவற்றை மகிழ்ச்சியுடன் பெற்றுக்கொண்டது போன்ற காட்சிகள் அந்த வீடியோவில் பதிவாகியிருந்ததாகக் கூறப்படுகிறது. இதையடுத்து, அங்கு விரைந்த போலீஸார் ஷாஜஹானைக் கைது செய்தனர்.

 

 

அவருக்கு உதவியதாகக் கூறப்படும் பினீஷ், நிஷா, கிறிஸ்டோபர் ராபின்ஸ் மற்றும் ஷானு ஆகியோரும் கைது செய்யப்பட்டுள்ளனர். இவர்கள் மீது பணப்பறிப்பு உள்ளிட்ட பிரிவுகளின் கீழ் வழக்குப் பதிவு செய்யப்பட்டுள்ளது.இதுகுறித்து மருத்துவர் கூறுகையில், “இதற்குப் பின்னால் தெளிவான சதித்திட்டம் உள்ளது. குற்றம்சாட்டப்பட்டுள்ள நிஷா, மூன்று மாதங்களுக்கு முன்புதான் மருத்துவமனையில் பணியில் சேர்ந்தார். தனது காதலர் ஷானுவின் உதவியுடன் மருத்துவமனையில் பிரச்சினையை உருவாக்கினார். ஷாஜஹானின் கூற்றுப்படி, அந்தப் பணம் அவர்கள் அனைவருக்கும் பிரித்துக் கொடுக்கப்பட இருந்தது” என்றார்.

 

 

இந்தச் சம்பவத்தின் பின்னணி குறித்து போலீஸார் கூறுகையில், மருத்துவமனைக்கு எதிராக அவதூறு ஏற்படுத்தும் வகையில் வீடியோ ஒன்றைத் தயாரிக்க ஷாஜஹான், நிஷாவின் உதவியை நாடியுள்ளார். அந்த வீடியோ, பினீஷுக்குச் சொந்தமான ‘சங்காத்திக்கூட்டம்’ (Changatheekootam) என்ற யூடியூப் சேனலில் சனிக்கிழமை பதிவேற்றம் செய்யப்பட்டது.

 

 

அதே நாளின் மாலையில், ஷாஜஹானும் அவரது உதவியாளர் கிறிஸ்டோபரும் மருத்துவமனையைத் தொடர்புகொண்டு, அந்த வீடியோவைப் பார்த்தீர்களா என்று கேட்டுள்ளனர். பின்னர் மருத்துவமனைக்கு நேரில் சென்ற அவர்கள், தங்களை வீடியோ பத்திரிகையாளர்கள் என்று அறிமுகப்படுத்திக்கொண்டு, அந்த வீடியோவைச் சமூக வலைதளங்களில் மேலும் பரப்புவோம் என்று மிரட்டியதாக மருத்துவர் சிவதாசன் தெரிவித்தார்.

 

 

அப்போது, அந்த வீடியோவை ஏற்கெனவே 20,000 பேர் பார்த்திருந்ததாகவும், அதில் கூறப்பட்டிருந்த தகவல்கள் அடிப்படையற்றவை என்று மருத்துவமனை ஊழியர்கள் அவர்களிடம் தெரிவித்ததாகவும் மருத்துவர் கூறினார்.அவர்கள் அங்கிருந்து சென்றபோதும், வீடியோவை மேலும் பரப்பி மருத்துவமனையின் நற்பெயருக்குக் களங்கம் ஏற்படுத்துவோம் என்று மிரட்டினர். வீடியோக்களை சமூக வலைதளங்களில் இருந்து நீக்குவதாகக் கூறி ரூ.10 லட்சம் கேட்டனர். பொதுவாக ரூ.50 லட்சம் கேட்போம் என்றும், இந்த வீடியோ போலியானது என்பதால் ரூ.10 லட்சம் மட்டுமே கேட்பதாகவும் தெரிவித்தனர்” என்று மருத்துவர் கூறினார்.

 

 

அரசியல் செல்வாக்கைப் பயன்படுத்தி வணிகர்களிடம் பணம் பறிக்கும் பெரிய கும்பலுடன் ஷாஜஹானுக்குத் தொடர்பு உள்ளதா என்பது குறித்தும் விசாரித்து வருவதாக போலீஸார் தெரிவித்தனர். ஏற்கெனவே அவர் மீது 14 குற்ற வழக்குகள் நிலுவையில் உள்ளன. 2022-ம் ஆண்டு மார்க்சிஸ்ட் கம்யூனிஸ்ட்

📱 Share on WhatsApp 𝕏 Share on X

Leave a Reply

Right Menu Icon