அமைச்சருக்கு அனுப்பப்பட இருந்த உரித்த வாழைப்பழங்கள்.. காவல்துறையினர் பறிமுதல்..!
புதுக்கோட்டையில் இருந்து இந்து சமய அறநிலையத்துறை அமைச்சர் சேகர்பாபுவுக்கு பாஜக முன்னாள் நிர்வாகியால் அனுப்பப்பட இருந்த 108 உரித்த வாழைப்பழங்களை காவல்துறையினர் பறிமுதல் செய்தனர்.
சனாதனம் ஒழிப்பு குறித்து அமைச்சர் உதயநிதி ஸ்டாலின் பேசியதற்கு பாஜக தலைவர்கள் கடும் கண்டனம் தெரிவித்திருந்த நிலையில் சனாதனத்தை வாழைப்பழத்துடன் ஒப்பிட்டு இந்து சமய அறநிலையத்துறை அமைச்சர் சேகர் பாபு பேசியதாக குற்றச்சாட்டு எழுந்துள்ளது.
இந்த நிலையில் அமைச்சர் சேகர் பாபுவை கண்டித்து புதுக்கோட்டை பாஜக நிர்வாகி சீனிவாசன் என்பவர் அமைச்சர் சேகர்பாபுவுக்கு தோல் உரிக்கப்பட்ட 108 வாழைப்பழங்களை மட்டும் கொரியர் மூலம் அனுப்ப முயற்சி செய்தார்.
புதுக்கோட்டை நகர பேருந்து நிலையத்திற்கு அருகே உள்ள கொரியர் அலுவலகத்திற்கு அவர் எடுத்து வந்திருந்த வாழைப்பழங்களை பறிமுதல் செய்த காவல்துறையினர் இது போல் செய்யக்கூடாது என எச்சரித்து அந்த நபரை அங்கிருந்து அனுப்பி வைத்தனர்.
📱 Share on WhatsApp 𝕏 Share on X
