காஷ்மீரில் பாதுகாப்பு படையினருடன் கடும் சண்டை! துப்பாக்கிச்சூட்டில் 2 பயங்கரவாதிகள் பலி

Publish by: செய்திப்பிரிவு --- Photo : கோப்பு படம்


ஜம்மு காஷ்மீர் மாநிலத்தில் இன்று அதிகாலை பாதுகாப்பு படையினருடான கடும் சண்டையில், இரண்டு பயங்கரவாதிகள் உயிரிழந்தனர்.

 

ஜம்மு காஷ்மீர் மாநிலம் புல்வாமா மாவட்டத்தில் உள்ள தலிபோரா பகுதியில், பயங்கரவாதிகள் பதுங்கி இருப்பதாக, பாதுகாப்பு படையினருக்கு ரகசிய தகவல் கிடைத்தது. இதையடுத்து, அந்த பகுதிக்கு பாதுகாப்பு படையினர் விரைந்து சென்று தேடுதல் வேட்டையில் ஈடுபட்டனர்.

 

அப்போது, பதுங்கியிருந்த பயங்கரவாதிகளுக்கும், பாதுகாப்பு படையினருக்கும் இடையே கடும் சண்டை ஏற்பட்டது. இந்த துப்பாக்கி சண்டையில், இரண்டு பயங்கரவாதிகள் சம்பவ இடத்திலேயே கொல்லப்பட்டனர். பாதுகாப்பு படை வீரர் தரப்பில், ஒருவர் வீரமரணம் அடைந்துள்ளார். அப்பகுதியில், பாதுகாப்பு படையினர் தொடர்ந்து தேடுதல் வேட்டையில் ஈடுபட்டுள்ளனர்.


Leave a Reply