மது போதையில் மன வளர்ச்சி குன்றிய சிறுமி வன்கொடுமை..!
உத்திரமேரூர் அருகே மனநலம் குன்றிய சிறுமியை மது போதையில் பாலியல் வன்புணர்ச்சி செய்த முதியவர் காவல்துறைக்கு பயந்து தற்கொலை முயற்சி மேற்கொண்டு காஞ்சிபுரம் அரசு மருத்துவமனையில் அனுமதிக்கப்பட்டு தீவிர சிகிச்சை பெற்று வருகிறார்.
காஞ்சிபுரம் மாவட்டம் உத்திரமேரூர் வட்டத்தை சேர்ந்த ஆதவபாக்கம் கிராம ஊராட்சி புதிய காலனியில் வசிப்பவர் வேங்கப்பன் . முதியவரான இவர் தனது உறவினர் இறப்பு நிழச்சிக்காக நேற்று மாலை அருகில் உள்ள புலிவாய் கிராமத்திற்கு சென்றுள்ளார்.
அப்போது இறப்பு நிகழ்ச்சியில் தனது உறவினர்களுடன் மது அருந்தியுள்ளார். போதை தலைக்கேறியுள்ளது. அப்போது, அப்பகுதியை சேர்ந்த 14 வயது மனநலம் குன்றிய சிறுமி இருந்ததை பார்த்துள்ளார். உடனே வேங்கப்பன் அச்சிறுமியிடம் பேச்சு கொடுத்து தனியாக அழைத்து சென்று பாலியல் வன்புணர்ச்சி செய்துள்ளார்.
அப்போது சிறுமி அலறல் சத்தம் கேட்டு உறவினர்கள் ஓடி வந்த உடன் முதியவர் வேங்கப்பன் அப்பகுதியில் இருந்து தப்பியோடியுள்ளார். இந்நிலையில் முதியவர் வேங்கப்பன், காவல்துறை தன் மீது வழக்கு பதிவு செய்துள்ளதை அறிந்து செய்வதறியாமல் பயத்தில் தற்கொலை முயற்சியில் ஈடுபட்டுள்ளார்.
அவரை மீட்டு உத்திரமேரூர் அரசு பொது மருத்துவமனையில் அனுமதிக்கப்பட்டு தற்போது மேல் சிகிச்சைக்காக காஞ்சிபுரம் மாவட்ட அரசு தலைமை பொது மருத்துவமனையில் அனுமதிக்கப்பட்டு அங்கு அவருக்கு தீவிர சிகிச்சை அளிக்கப்பட்டு வருகிறது.
📱 Share on WhatsApp 𝕏 Share on X
