வெஸ்ட் இண்டீசுக்கு எதிராக ஒரு நாள் கிரிக்கெட் போட்டியில் காயம் காரணமாக புவனேஷ்வர் குமாருக்கு பதிலாக சர்துல் தாகூர் சேர்க்கப்பட்டுள்ளார்.
இந்தியாவிற்கு சுற்றுபயணம் மேற்கொண்டுள்ள வெஸ்ட் இண்டீஸ் அணி 3 ஒருநாள் போட்டி கொண்ட தொடரில் விளையாட இருக்கிறது. ஏற்கனவே டி20 தொடரை இந்திய அணி கைப்பற்றியுள்ளது. சென்னையில் நாளை நடைபெற உள்ள முதல் ஒருநாள் போட்டியில் வெல்ல முனைப்பு காட்டி வருகிறது.
இந்தநிலையில் டி20 போட்டியின் போது இந்திய அணியில் வேகப்பந்து வீச்சாளரான புவனேஷ்வர் குமார் காயமடைந்தார். தொடர் சிகிச்சை பெற்று வரும் நிலையில் புவனேஷ்வர் குமாருக்கு பதிலாக சர்துல் தாகூர் அணியில் சேர்க்கப்படுவதாக பிசிசிஐ தெரிவித்துள்ளது.
முதலாக இந்திய அணியின் தொடக்க ஆட்டக்காரர் ஷிகர் தவான் காயம் காரணமாக தொடரில் இருந்து விலகியதால் அவருக்கு பதிலாக மயங்க் அகர்வால் அணியில் இடம்பெற்றுள்ளார்.
