500 கி.மீ. ரேஞ்சுக்கு மேம்படுத்தப்பட்ட பிரம்மோஸ் ஏவுகணை தயார்

500 கிலோமீட்டர் தூரம் உள்ள இலக்கை தாக்கி அளிக்கும் வகையில் மேம்படுத்தப்பட்ட பிரம்மோஸ் ஏரோஸ்பேஸ் ஏவுகணை தயார் என்று ஏரோ ஸ்பேஸ் நிறுவனம் தெரிவித்து உள்ளது. பிரம்மோஸ் ஏவுகணை ஒளியை விட மும்மடங்கு வேகத்தில் செல்லக்கூடிய உலகின் அதிவேக ஏவுகணையாகும். அந்த வகையில் பாய்ந்து சென்று இலக்கை தாக்கும் தூரம் 500 கிலோமீட்டர் ஆக அதிகரிக்கப்பட்ட பிரம்மோஸ் ஏவுகணை தயாராக இருப்பதாக பிரம்மோஸ் நிறுவனம் சி‌இ‌ஓ தெரிவித்து உள்ளார்.

ஏவுகணை தொழில்நுட்ப கட்டுப்பாட்டு கூட்டமைப்பில் இந்தியாவும் உறுப்பினராக இருப்பதால் பிரம்மோஸ் ஏவுகணையின் ரேன்ஜை அதிகரித்து கொள்ள முடியும் என அவர் தெரிவித்து உள்ளார்.சுகோம் 30 போர் விமானங்களில் பொருத்தி பிரம்மோஸ் ஏவுகணை சோதனை செய்யப்பட்டதாக சுட்டிக்காட்டியுள்ள அவர் போர் விமானங்களில் நீண்ட தூரம் ஏவுகணைகளை பொருத்தி பயன்படுத்தும் வல்லமை பெற்ற ஒரே நாடு உலகிலேயே இந்தியா தான் என தெரிவித்து உள்ளார்.

போர் விமானத்தில் பொருத்தி பயன்படுத்த முடியும் என்பதால் நிலத்தில் பல ஆயிரம் கிலோமீட்டர் தொலைவில் உள்ள இலக்கையும் பிரம்மோஸ் மூலம் தாக்க முடியும் என்றும் அவர் குறிப்பிட்டு உள்ளார். பிரம்மோஸ் மூலம் 300 அல்லது 400 கிலோமீட்டர் தொலைவுக்கு அப்பால் உள்ள கப்பலை கூட தாக்க முடியும்.