பாதுகாப்புத்துறை அமைச்சர் ராஜ்நாத்சிங் இந்திய எல்லைகளை ஆய்வு செய்ய வருகிற 17, 18 இல் பயணம்..!
பாதுகாப்பு துறை அமைச்சர் ராஜ்நாத் சிங், ராணுவ தளபதி ஆகியோர் வருகிற 17 மற்றும் 18 ஆம் தேதிகளில் லடாக் மற்றும் ஜம்மு காஷ்மீர் செல்கிறார்கள். நாளை மறுநாள் லே சென்றடையும் ராஜ்நாத் சிங் லடாக்கை ஒட்டியிருக்கும் இந்திய – சீன எல்லை கட்டுப்பாட்டு கோட்டு பகுதியில் உள்ள முன்களப்பகுதிக்கு சென்று ஆய்வு நடத்தினார்.
பின்னர் 18 ஆம் தேதி ஸ்ரீநகர் செல்லும் அவர் இந்திய-பாகிஸ்தான் எல்லை கட்டுப்பாட்டு கோட்டு பகுதியில் ஆய்வு செய்கிறார். இந்த பயணத்தின்போது ராணுவத்தளபதி எம்எம் நரவனே உடன் செல்கிறார். இந்திய – பாகிஸ்தான் எல்லையில் பதற்றமான சூழல் எதுவும் இல்லை.
எனினும் எல்லை பிரச்சினையில் இந்தியா சீனா இடையே நிலவி வந்த பதற்றம் தணிந்து வரும் நிலையில் பாதுகாப்புத்துறை அமைச்சர் மற்றும் இராணுவத் தளபதியின் பயணம் முக்கியத்துவம் பெறுகிறது.
