திருப்பரங்குன்றம் தீபத்தூண் வழக்கில் உச்சநீதிமன்றம் அதிரடி தீர்ப்பு.!
மதுரை திருப்பரங்குன்றம் மலையில் உள்ள தீபத்தூணில் கார்த்திகை தீபம் ஏற்றுவது தொடர்பான விவகாரத்தில் தீபத்தூணில் நிபந்தனையுடன் தீபம் ஏற்ற அனுமதி அளித்து உச்சநீதிமன்றம் உத்தரவிட்டுள்ளது. திருப்பரங்குன்றம் மலையில் உள்ள கல்தூணில் தீபம் ஏற்ற அனுமதி அளித்து சென்னை உயர் நீதிமன்றம் அளித்த தீர்ப்பை எதிர்த்து தமிழக அரசு மற்றும் தர்கா நிர்வாகம் தரப்பில் உச்ச நீதிமன்றத்தில் மேல்முறையீடு தாக்கல் செய்யப்பட்டது.
அதேபோல், கார்த்திகை திருநாளன்று பக்தர்கள் அனைவரையும் மலையில் தீபம் ஏற்ற அனுமதிக்கக் கோரியும், தொல்லியல் துறை அனுமதி பெற வேண்டும் என்ற சரத்துக்கு எதிராகவும் ராம ரவிக்குமார் என்பவர் உச்ச நீதிமன்றத்தில் மேல்முறையீடு செய்திருந்தார். இந்த மனுக்கள் உச்ச நீதிமன்ற நீதிபதிகள் அரவிந்த் குமார், விபுல்.எம்.பஞ்சோலி ஆகியோர் அடங்கிய அமர்வு முன்பு கடந்த நவம்பர் 17ஆம் தேதி முதல் விசாரிக்கப்பட்டு வந்தது.
இந்த நிலையில் கடந்த 3 நாட்களாக அனைத்து தரப்பு வாதங்களை கேட்ட பிறகு, இன்று இதற்கான தீர்ப்பு வாசிக்கப்பட்டது. அதில், தீபத்தூணில் நிபந்தனையுடன் தீபம் ஏற்ற அனுமதி அளித்து உச்சநீதிமன்றம் உத்தரவிட்டுள்ளது. கோயில் சார்பில் குறிப்பிட்ட நபர்கள் மட்டுமே சென்று தீபம் ஏற்ற வேண்டும். முழக்கம் எழுப்புவது போன்ற எந்த செயல்களிலும் ஈடுபடக்கூடாது என நிபந்தனைகள் விதிக்கப்பட்டுள்ளது.
இந்த ஆண்டு கார்த்திகை தீபத்தன்று மட்டும் தீபம் ஏற்ற அனுமதி அளிக்கப்பட்டுள்ளது. தேவைப்பட்டால் மத்திய பாதுகாப்பு படையை கோரலாம். தீபத்திருவிழா முடிந்த பிறகு 3 நாட்களில் ஆட்சியர் அறிக்கை அளிக்க வேண்டும் எனவும் நீதிபதிகள் உத்தரவிட்டுள்ளனர்.
📱 Share on WhatsApp 𝕏 Share on X





