டாஸ்மாக் ஊழியர்களின் பணியிடை நீக்கத்தை ரத்து செய்ய வேண்டும்

டாஸ்மாக் ஊழியர்களின் பணியிடை நீக்க நடவடிக்கையைத் தமிழக அரசு உடனடியாகத் திரும்பப் பெற வேண்டும் என்று விடுதலைச் சிறுத்தைகள் கட்சி சட்டமன்ற உறுப்பினர் எஸ்.எஸ். பாலாஜி வலியுறுத்தியுள்ளார்.

திருவாரூரில் நடைபெற்ற பொதுக்கூட்டத்தில் பேசிய அவர், போராட்டத்தைக் கைவிட்டு மீண்டும் பணிக்குத் திரும்பிய ஊழியர்களைத் தொடர்ந்து பணியிடை நீக்கம் செய்திருப்பது ஏற்றுக்கொள்ள முடியாதது என்று விமர்சித்தார்.

மேலும், மதுபாட்டில்களைத் திரும்பப் பெறும் பணியை ஊழியர்களிடம் ஒப்படைப்பதால் கூடுதல் பணிச்சுமை ஏற்படுவதாகவும், அவர்களின் அடிப்படைப் பணிகளுக்கு அப்பாற்பட்ட வேலைகளைத் திணிக்கக் கூடாது என்றும் அவர் தெரிவித்தார்.