சிஏஏ, என்.பி.ஆர், என்.ஆர்.சி எதிர்ப்பு பேரணி

சி ஏ ஏ மற்றும் என்பிஆர் எதிராக சட்டப்பேரவையில் தீர்மானம் நிறைவேற்ற வலியுறுத்தி தலைமை செயலகத்தை முற்றுகையிட பேரணியாக சென்ற மார்க்சிஸ்ட் கம்யூனிஸ்ட் கட்சியினர் கைது செய்யப்பட்டனர்.

போராட்டத்திற்கு காவல்துறையினர் அனுமதி மறுத்துள்ள நிலையில் தடையை மீறி பேரணி செல்ல முயன்ற போது காவல்துறையினருக்கும் போராட்டக்காரர்களுக்கும் இடையே தள்ளுமுள்ளு ஏற்பட்டது.

சி ஏ ஏ மற்றும் என்பிஆர் எதிராக அதிமுக அரசு தீர்மானத்தை நிறைவேற்ற வேண்டும் என போராட்டத்தில் ஈடுபட்டவர்கள் முழக்கமிட்டனர். உயர்நீதிமன்றம் அருகே சாலை மறியல் போராட்டமும் நடைபெற்றது. அதனால் அந்த பகுதியில் 20 நிமிடங்களுக்கு மேலாக போக்குவரத்து நெரிசலும் ஏற்பட்டுள்ளது.