தமிழகத்தில் இன்று உயிரிழப்பு ஜாஸ்தி:409 பேர் பலி..18,023 பேருக்கு கொரோனா தொற்று உறுதி..!

தமிழகத்தில் தற்போது 2,18,595 பேர் கொரோனாவிற்கு சிகிச்சை பெற்று வருவதாக சுகாதாரத்துறை தெரிவித்துள்ளது.

தமிழகத்தில் இன்று 18,023 பேருக்கு கொரோனா தொற்று உறுதி செய்யப்பட்டுள்ளது. இதனால் மாநிலத்தில் கொரோனா உறுதி செய்யப்பட்டவர்களின் மொத்த எண்ணிக்கை 22 லட்சத்து 74 ஆயிரத்து 704 ஆக அதிகரித்துள்ளது.

கொரோனா வைரஸ் பரவியவர்களில் இன்று ஒரே நாளில் 31,045 பேர் சிகிச்சைக்கு பின் டிஸ்சார்ஜ் செய்யப்பட்டுள்ளனர். இதனால் தமிழகத்தில் கொரோனாவில் இருந்து குணமடைந்தவர்களின் மொத்த எண்ணிக்கை 20 லட்சத்து 28 ஆயிரத்து
344 ஆக உயர்ந்துள்ளது.

கொரோனா வைரஸ் தாக்குதலுக்கு இன்று ஒரே நாளில் 409 பேர் உயிரிழந்துள்ளனர். இதனால் தமிழகத்தில் வைரஸ் தாக்குதலுக்கு பலியானோர் எண்ணிக்கை 27 ஆயிரத்து 765 ஆக அதிகரித்துள்ளது.

சென்னையில் இன்று 1,437 பேருக்கு கொரோனா தொற்று உறுதி செய்யப்பட்டுள்ளது. அதிகபட்சமாக கோவையில் 2,439 பேரும், ஈரோட்டில் 1,596 பேருக்கும் கொரோனா தொற்றால் பாதிக்கப்பட்டுள்ளனர். செங்கல்பட்டு, சேலம், திருப்பூர், தஞ்சாவூர் உள்ளிட்ட மாவட்டங்களில் தொற்று எண்ணிக்கை ஆயிரத்துக்கும் கீழ் குறைந்துள்ளது.