சாலையோரம் வீசப்பட்ட தேசியக் கொடியை எடுத்து பாதுகாத்த காவலருக்கு பாராட்டு
கடலூர் அருகே சாலையோரம் வீசப்பட்ட தேசியக் கொடியை எடுத்து பாதுகாத்த பாதுகாவலரை நேரில் அழைத்து சென்னை மாநகர காவல் ஆணையர் விஸ்வநாதன் பாராட்டினார்.
கடந்த மாதம் 20ஆம் தேதி கடலூர் மாவட்டம் லால்பேட்டையில் குடியுரிமை சட்ட திருத்தத்திற்கு எதிராக போராட்டம் நடத்தியவர்கள் தேசியக்கொடியை சாலையிலேயே வீசி சென்று விட்டனர். அங்கு பாதுகாப்பு பணியில் ஈடுபட்டிருந்த தமிழ்நாடு சிறப்பு காவல் படை 10வது அணியை சேர்ந்த காவலர் கார்த்திகேயன் தரையில் கிடந்த தேசியக்கொடியை எடுத்து தலை நிமிர்த்தி ஓரமாக எடுத்து வைத்தார்.
இதை பார்த்து மற்றொரு காவலர் படம் எடுத்த வீடியோ வெளியானது. இந்த காட்சிகள் பரவிய நிலையில் காவலர் கார்த்திகேயனை சென்னை மாநகர காவல் ஆணையர் ஏ கே விஸ்வநாதன் பாராட்டி வெகுமதி வழங்கினார்.
📱 Share on WhatsApp 𝕏 Share on X
