ஜந்தர் மந்தரில் அத்துமீறி நுழைந்த காக்ரோச் ஜனதா கட்சி தலைவர்கள் கைது!

டெல்லியில் உள்ள ஜந்தர் மந்தர் போராட்டப் பகுதிக்குள் உரிய அனுமதியின்றி நுழைந்ததற்காக, காக்ரோச் ஜனதா கட்சித் தலைவர்கள் சௌரவ் தாஸ், அசுதோஷ் ரான்கா மற்றும் அஜின்க்யா ஷிண்டே ஆகியோர் தற்காலிகக் காவலில் கைது செய்யப்பட்டுள்ளனர்.

செவ்வாய்க்கிழமை காலை, அனுமதியின்றி ஜந்தர் மந்தர் பகுதிக்குள் நுழைய இந்தத் தலைவர்களும் அவர்களது ஆதரவாளர்களும் திட்டமிட்டுள்ளனர். திங்கட்கிழமை இரவே அந்தப் பகுதியைச் சுற்றியுள்ள வழிகளை அவர்கள் ஆய்வு செய்துள்ளனர். ஜந்தர் மந்தர் சாலையின் முக்கியப் பகுதிகள் பலத்த போலீஸ் பாதுகாப்புடன் இருந்ததால், ஜன்பத் பாதையுடன் இணைக்கும் ஒரு குறுகிய சந்து வழியாக அவர்கள் உள்ளே சென்றுள்ளனர்.

செவ்வாய்க்கிழமை காலை, அசுதோஷ் ரான்கா, சௌரவ் தாஸ் மற்றும் அஜின்க்யா ஷிண்டே உட்பட 14 பேர் கொண்ட குழுவினர், ஜே.டி.யு (JD(U)) அலுவலக வளாகத்தின் வழியாகச் சென்று, அங்கிருந்த பூட்டப்பட்ட இரும்பு வாயிலைத் தாண்டி ஜந்தர் மந்தருக்குள் நுழைந்தனர். அங்கே தேசியக் கொடியை ஏற்றி, கோஷங்களை எழுப்பியதைத் தொடர்ந்து போலீசார் அவர்களை மடக்கிப் பிடித்தனர்.

கைது செய்யப்பட்ட அனைவரும் சுமார் 40 கிலோமீட்டர் தொலைவில் உள்ள ஜாபராபாத் காவல் நிலையத்திற்கு அழைத்துச் செல்லப்பட்டனர். மந்திர் மார்க் பகுதியில் உள்ள சிறப்பு நிர்வாக நடுவர் நீதிமன்றத்தில் அவர்கள் ஆஜர்படுத்தப்பட உள்ளனர்.

சட்டம்-ஒழுங்குப் பிரச்சினைகளைத் தவிர்க்கவோ அல்லது குற்றங்கள் நடப்பதைத் தடக்கவோ வாரண்ட் இல்லாமல் ஒருவரைக் காவல்துறை காவலில் வைக்கும் அதிகாரமே தற்காலிகக் கைது எனப்படும். இதன்படி, நடுவரின் உத்தரவு இல்லாமல் இவர்களை 24 மணி நேரத்திற்கு மேல் காவலில் வைக்க முடியாது என்பது குறிப்பிடத்தக்கது.