வங்கிக் கணக்கு முதல் வரித் தாக்கல்..!

நவம்பரில் பல முக்கிய காலக்கெடுகள் முடிவடைந்த நிலையில், டிசம்பரிலும் நீங்கள் கட்டாயம் கவனிக்க வேண்டிய முக்கியப் பணிகள் காத்திருக்கின்றன. அபராதம் மற்றும் பரிவர்த்தனைத் தடைகளைத் தவிர்க்க, இந்தத் தேதிகளைக் குறித்து வைத்துக்கொள்வது அவசியம்.பொது மக்கள், வங்கி வாடிக்கையாளர்கள், வரி செலுத்துவோர் மற்றும் ஓய்வூதியதாரர்கள் எனப் பல தரப்பினரையும் பாதிக்கும் வகையில், டிசம்பர் மாதத்தில் பல முக்கிய நிதிய விதிமுறைகளும் காலக்கெடுவும் நடைமுறைக்கு வரவுள்ளன.

நவம்பரில் பல முக்கிய காலக்கெடுகள் முடிவடைந்த நிலையில், டிசம்பரிலும் நீங்கள் கட்டாயம் கவனிக்க வேண்டிய முக்கியப் பணிகள் காத்திருக்கின்றன. அபராதம் மற்றும் பரிவர்த்தனைத் தடைகளைத் தவிர்க்க, இந்தத் தேதிகளைக் குறித்து வைத்துக்கொள்வது அவசியம்.

1. பான் (PAN) – ஆதார் இணைப்பு: கடைசி நாள் டிசம்பர் 31, ஆதார் அட்டை வைத்திருப்பவர்களுக்கு இது மிகவும் முக்கியமான எச்சரிக்கை. டிசம்பர் 31, 2025 அன்றுக்குள் உங்கள் பான் அட்டையுடன் ஆதார் எண்ணை இணைப்பது கட்டாயம். அக்டோபர் 1, 2024, அன்றோ அல்லது அதற்கு முன்னரோ ஆதார் பெற்றவர்கள்.

விளைவு: இந்தக் காலக்கெடுவைத் தவறவிட்டால், உங்கள் பான் அட்டை செயலிழக்கப்படும். இதன் விளைவாக, வங்கிக் கணக்கு பரிவர்த்தனைகள், வருமான வரிக் கணக்குத் தாக்கல், முதலீடுகள் மற்றும் பிற நிதியச் சேவைகளில் பெரிய சிக்கல்களை எதிர்கொள்ள நேரிடும். உங்கள் பான் அட்டையைச் செயலில் வைத்திருக்க, உடனடியாக இணைக்கும் பணியை மேற்கொள்ள வேண்டும்.

2. வருமான வரிக் கணக்குத் (ITR) தாக்கல் காலக்கெடுவில் முக்கிய மாற்றங்கள் : அ) வரித் தணிக்கை வழக்குகளுக்கான (ITR) காலக்கெடு நீட்டிப்பு: மத்திய நேரடி வரிகள் வாரியம் (CBDT) வரித் தணிக்கை செய்யப்பட வேண்டிய வழக்குகளுக்கான வருமான வரிக் கணக்குத் தாக்கல் காலக்கெடுவை நீட்டித்துள்ளது.

புதிய காலக்கெடு: டிசம்பர் 10, 2025 (முன்பு அக்டோபர் 31 ஆக இருந்தது). இது கட்டாயத் தணிக்கை தேவைப்படும் மற்றும் கூடுதல் நிதியத் தகவல்களை அளிக்க வேண்டிய வரி செலுத்துவோருக்குப் பெரும் நிம்மதியை அளிக்கிறது.

நிதியாண்டு 2024–25-க்கான (FY 2024–25) தாமத அல்லது திருத்தப்பட்ட வருமான வரிக் கணக்கைத் தாக்கல் செய்ய டிசம்பர் 31, 2025, இறுதி நாளாகும். அசல் காலக்கெடுவைத் தவறவிட்டவர்கள், ரூ. 5,000 வரை தாமதக் கட்டணம் மற்றும் செலுத்த வேண்டிய வரியின் வட்டியுடன் (வருமானம் ரூ. 5 லட்சத்திற்குக் கீழ் உள்ளவர்களுக்கு ரூ. 1,000) இந்தத் தேதிக்குள் தாக்கல் செய்யலாம்.

தாக்கல் செய்த வருமான வரிக் கணக்கில் (ITR) தவறுகளைச் சரிசெய்யவும் இதுவே கடைசி வாய்ப்பு. டிசம்பருக்குப் பின் அபராதம் அதிகம்! இந்தத் தேதிக்குப் பிறகு அப்டேடட் ரிட்டர்ன், (ITR-U) மட்டுமே தாக்கல் செய்ய முடியும். இதில், செலுத்த வேண்டிய வரி மற்றும் வட்டித் தொகையில் கூடுதலாக 25% முதல் 50% வரை அதிக அபராதம் செலுத்த நேரிடும். எனவே, குறைந்த அபராதத்தில் விதிமுறைகளுக்கு இணங்க இந்த டிசம்பர் மாதம் மிகச் சிறந்த மற்றும் இறுதி வாய்ப்பாக உள்ளது.

3. வங்கி மற்றும் ஓய்வூதிய விதிகளில் மாற்றம்: அ) எஸ்.பி.ஐ-யின் எம்.கேஷ் சேவை நிறுத்தம்: ஸ்டேட் பாங்க் ஆஃப் இந்தியா (SBI) தனது எம்.கேஷ் (mCASH) சேவையை நவம்பர் 30, 2025, முதல் நிறுத்திவிட்டது. இனி, பயனாளியைப் பதிவு செய்யாமல் பணம் அனுப்பவோ அல்லது எம்.கேஷ் இணைப்பு மூலம் பணம் பெறவோ முடியாது.

மாற்று வழிகள்: வாடிக்கையாளர்கள் இப்போது (UPI, IMPS, NEFT, மற்றும் RTGS போன்ற) பாதுகாப்பான டிஜிட்டல் பரிமாற்ற முறைகளைப் பயன்படுத்த அறிவுறுத்தப்படுகிறார்கள். ஆ) ஓய்வூதியதாரர்களுக்கான முக்கிய விதிகள் ஆயுள் சான்றிதழ் (Life Certificate): அரசு ஓய்வூதியதாரர்கள் தங்கள் ஜீவன் பிரமாண் பத்ராவைச் சமர்ப்பிப்பதற்கான கடைசி நாள் நவம்பர் 30, 2025, உடன் முடிந்தது. இதைச் சமர்ப்பிக்கத் தவறிய ஓய்வூதியதாரர்களுக்கு, அவர்களின் ஓய்வூதியம் தற்காலிகமாக நிறுத்தப்படலாம்.

தேசிய ஓய்வூதியத் திட்டத்தில் (NPS) இருந்து ஒருங்கிணைந்த ஓய்வூதியத் திட்டத்திற்கு (UPS) மாறுவதற்கான காலக்கெடுவும் நவம்பர் 30, 2025, உடன் நிறைவடைந்தது. மத்திய அரசு ஊழியர்களுக்கான இந்தத் திட்டத்தில், NPS மற்றும் பழைய ஓய்வூதியத் திட்டம் (OPS) இரண்டின் அம்சங்களும் உள்ளன.

பான்-ஆதார் இணைப்பு முதல் வருமான வரி (ITR) தாக்கல், ஓய்வூதிய விதிகள் மற்றும் வங்கிச் செயல்பாடுகள் எனப் பல முக்கியமான நிதிய விவகாரங்களுக்கு டிசம்பர் 2025 ஒரு திருப்புமுனையாகும். இந்தத் தேதிகளை மனதில் வைத்துப் பணிகளை முடித்தால், உங்கள் கணக்கு, வரி மற்றும் ஓய்வூதியம் தொடர்பான பணிகள் எந்தத் தடையுமின்றித் தொடரும்.