கள்ளக்குறிச்சி கள்ளச்சாராய மரண விவகாரம் – முக்கிய குற்றவாளி சின்னத்துரை கைது
கள்ளச் சாராய வழக்கில் தலைமறைவாக இருந்த முக்கிய குற்றவாளி சின்னத்துரையை கடலூரில் வைத்து தனிப்படை போலீசார் கைது செய்தனர்.
கள்ளக்குறிச்சி மாவட்டம், கருணாபுரத்தில், கள்ளச்சாராயத்தை சட்டவிரோதமாக விற்பனை செய்த வழக்கில் கண்ணுக்குட்டி என்ற கோவிந்தராஜன், அவரது மனைவி விஜயா, அவரது தம்பி தாமோதரன், உறவினர் ஜீவா ஆகியோர் ஏற்கெனவே கைதுசெய்யப்பட்டனர்.
இதனிடையே, கண்ணுக்குட்டிக்கு கள்ளச்சாராயத்தை சப்ளை செய்து வந்த சங்கராபுரம் சோ-சத்திரம் பகுதியைச் சேர்ந்த சாராய வியாபாரி சின்னதுரை என்பவர் தலைமறைவானார். இதையடுத்து அவரை சிபிசிஐடி போலீசார் தனிப்படை அமைத்து தேடி வந்தனர்.
சின்னத்துரை மீது சாராய கடத்தல், விற்பனை என 70-க்கும் மேற்பட்ட வழக்குகள் நிலுவையில் இருப்பதாக காவல்துறையினர் தெரிவித்திருந்தனர்.இந்தநிலையில், சின்னதுரையை கடலூரில் வைத்து தனிப்படை போலீசார் நள்ளிரவில் கைது செய்தனர். அவரை சிபிசிஐடி அலுவலகத்திற்கு அழைத்துவந்து விசாரணை நடத்த போலீசார் திட்டமிட்டுள்ளதாக கூறப்படுகிறது.
📱 Share on WhatsApp 𝕏 Share on X
