ஒரே நேரத்தில் உருவான இரண்டு காற்றழுத்த தாழ்வு பகுதி..!

ஒரே நேரத்தில் இரண்டு காற்றழுத்த தாழ்வு பகுதி உருவாகியுள்ளதாக இந்திய வானிலை மையம் அறிவித்துள்ளது.

இதுகுறித்து இந்திய வானிலை மையம் வெளியிட்டுள்ள அறிக்கையில், “வடமேற்கு வங்காள விரிகுடா மற்றும் அதை ஒட்டிய மேல் காற்று சுழற்சியின் செல்வாக்கின் கீழ், தென்மேற்கு வங்காளதேசம் மற்றும் அதை ஒட்டிய மேற்கு வங்காளத்தின் மீது இன்று, காலை 05.30 மணிக்கு ஒரு குறைந்த காற்றழுத்த தாழ்வு பகுதி உருவாகியுள்ளது.

இது அடுத்த 24 மணி நேரத்தில் மேலும் வலுப்பெற்று மேற்கு-வடமேற்கு நோக்கி நகர வாய்ப்புள்ளது. அந்தவகையில், தெற்கு குஜராத் மற்றும் அதன் சுற்றுப்புறங்களில் மேல் காற்று சுழற்சியின் செல்வாக்கின் கீழ், இன்று காலை 05.30 மணிக்கு குஜராத் மற்றும் அதன் சுற்றுப்புறங்களில் ஒரு குறைந்த காற்றழுத்தப் பகுதி உருவாகியுள்ளது.

இது அடுத்த 24 மணி நேரத்தில் மேலும் வலுப்பெற்று வடக்கு-வடமேற்கு நோக்கி நகர வாய்ப்புள்ளது. அதேபோல் தென்மேற்கு வங்காளதேசம் மற்றும் அதை ஒட்டிய கங்கை நதி மேற்கு வங்காளத்தில் மற்றொரு குறைந்த காற்றழுத்த தாழ்வு பகுதி உருவாகிறது.” என்று அறிவித்துள்ளது.

இந்நிலையில், தமிழகத்தை பொறுத்தவரை பெரிய அளவில் மழைக்கு வாய்ப்பு இல்லை. இருப்பினும் மேற்கு தொடர்ச்சி மலை மாவட்டங்களாக இருக்கக்கூடிய நீலகிரி மற்றும் கோயம்புத்தூர் மாவட்டத்தினுடைய மலைப்பகுதிகளில் மழைக்கு வாய்ப்பு உள்ளது.