50 சவரன் நகை அபேஸ்: கோவையில் “கில்லாடி” பெண் போலீஸ் கைது !!!

கோவையில் திருடப்பட்ட 50 சவரன் நகையை சுருட்டிய பெண் காவலரை சிங்காநல்லூர் போலீசார் அதிரடியாக கைது செய்யப்பட்டுள்ள சம்பவம் கோவையில் பெரும் பரபரப்பை ஏற்படுத்தியுள்ளது.

கோவை சிங்காநல்லூர் குற்றப்பிரிவு காவல் நிலையத்தில் இரண்டாம் நிலை காவலராக பணியாற்றி வந்தவர் ஸ்வப்ன சுஜா. இந்த காவல் நிலையத்தில் நீதிமன்றம் தொடர்பான பணியை கவனித்து வந்தார்.

இந்த நிலையில் 11 குற்ற வழக்குகளில் தொடர்புடைய 50 சவரன் நகையை போலீசார் மீட்டனர். இதனை நீதிமன்றத்தில் ஒப்படைக்கும் பணி ஸ்வப்ன சுஜா வசம் வழங்கப்பட்டிருந்தது. ஆனால், நகைகளை நீதிமன்றத்தில் வழங்காமல் காலம் தாழ்த்தி வந்துள்ளார்.

இது குறித்து காவல் நிலைய அதிகாரிகள் கேட்டதற்கு முன்னுக்குப்பின் முரணான பதில் அளித்ததோடு, சில உயர் அதிகாரிகளின் பெயர்களை பயன்படுத்தி நழுவி வந்துள்ளார்.

நீண்ட நாட்களாக நகைகள் ஒப்படைக்கப்படாமல் இருந்த சூழலில் சிங்காநல்லூர் குற்றப்பிரிவு ஆய்வாளர் சிவக்குமார் ஸ்வப்ன சுஜாவிடம் விசாரணை மேற்கொண்டார்.இதனால் பயந்து போன பெண் காவலர் நீண்ட நாள் விடுப்பு எடுத்துச் சென்றுவிட்டார். இதனைத்தொடர்ந்து, ஸ்வப்ன சுஜா பணியிடை நீக்கம் செய்யப்பட்டார்.

இந்த சூழலில், ஸ்வப்ன சுஜாவை போலீசார் சிங்காநல்லூர் போலீசார் அதிரடியாக கைது செய்துள்ளனர்.மேலும்,அவர் நீதிமன்ற காவலுக்கு அனுப்பப்பட்டுள்ளார். ஒப்படைக்கப்படாத நகைகள் என்ன ஆனது? என்பது குறித்து போலீசார் தீவிர விசாரணை மேற்கொண்டு வருகின்றனர்.

வேலியே பயிரை மேய்ந்த கதையாக வழக்குகளில் தொடர்புடைய 50 சவரன் நகைகளை லபக்கிய இந்த கில்லாடி பெண் போலீஸ் நடந்துள்ளது ஒட்டு மொத்த காவல் துறைக்கே களங்கத்தை ஏற்படுத்தியுள்ளது.

இச்சம்பவம் கோவையில் பெரும் பரபரப்பை ஏற்படுத்தியுள்ளது.