ஆற்றில் அடித்துச் செல்லப்பட்ட 3 இளைஞர்கள் மீட்கப்பட்டனர்

கடலூர் மாவட்டம் திட்டக்குடி அருகே மாடுகளை காப்பாற்ற முயற்சி செய்து ஆற்றில் அடித்து ஏற்பட்ட செல்லப்பட்ட மூன்று இளைஞர்கள் மீட்கப்பட்டனர். கீழ்வாய் கிராமத்தை சேர்ந்த பெண்ணுடைய மூன்று மாடுகள் அங்குள்ள வெள்ளாற்றில் நின்றுகொண்டிருந்தன.

அந்த சமயத்தில் ஆற்றில் திடீரென வெள்ளம் ஏற்படவே மேடான இடத்தில் மாடுகள் தஞ்சமடைந்தன. இதைக்கண்ட அப்பகுதியை சேர்ந்த வேல்முருகன், சகாதேவன் மற்றும் தங்கதுரை ஆகியோர் ஆற்றில் நீந்தி சென்று மாடுகளை மீட்டுக்கொண்டு வர முயன்றனர்.

ஆனால் நீரோட்டம் அதிகமாக இருந்ததால் மூவரும் ஆற்றில் அடித்து செல்லப்பட்டனர். மாடுகள் தாமாகவே கரை திரும்பிய நிலையில் மூன்று இளைஞர்களையும் தீயணைப்பு துறையினர் ஒரு மணிநேர போராட்டத்திற்கு பிறகு பத்திரமாக மீட்டனர்.