ஜம்மு-காஷ்மீருக்கான 370 வது பிரிவை மத்திய அரசு ரத்து செய்வதை தமிழக இளைஞர்கள் ஆதரித்ததாக பெங்களூரு தெற்கு பா.ஜ.க எம்.பி.தேஜஸ்வி சூர்யா கோவையில் தெரிவித்தார்

ஜம்மு-காஷ்மீருக்கான சிறப்பு அந்தஸ்தை நீக்குவது குறித்த விழிப்புணர்வை ஏற்படுத்துவதற்காக பா.ஜ.கவினர்இந்தியாவின் பல்வேறு பகுதிகளில் கூட்டங்களை நடத்தி வருகின்றனர்.இதே போல் கோவை ஆர் எஸ் புரம் பகுதியில் உள்ள தனியார் மண்டபத்தில் அரசியலமைப்பு சட்டம் 370குறித்த விழிப்புணர்வில் கலந்து கொண்ட தெற்கு எம்.பி தேஜஸ்வி சூர்யா செய்தியாளர்களை சந்தித்தார்.

அப்போது பேசிய அவர் தமிழக மக்கள் குறிப்பாக இளைஞர்கள் மத்திய அரசின் நடவடிக்கைக்கு ஆதரவளித்ததாகக் கூறினார்.370 வது பிரிவு ஜம்மு-காஷ்மீர் மக்களுக்கும், இந்தியாவின் பிற பகுதிகளுக்கும் இடையில் “நிர்வாக மற்றும் உளவியல் தடையை” உருவாக்கியதுடன், “பிரிவினைவாதத்தை உயிருடன் வைத்திருக்கவும் பயங்கரவாதத்தைத் தூண்டவும் பாகிஸ்தானால் துஷ்பிரயோகம் செய்யப்பட்டு தவறாகப் பயன்படுத்தப்பட்ட ஒரு கருவியாகவும் செயல்பட்டது” என்று சூர்யா தெரிவித்தார்.

பிரதமர் நரேந்திர மோடி மற்றும் உள்துறை அமைச்சர் அமித் ஷா ஆகியோரின் “உறுதியான அரசியல் விருப்பம்” 370 வது பிரிவை ரத்து செய்ய வேண்டும், இது “தற்காலிக மற்றும் இடைக்காலமானது” என்ற எம்.பி. சூர்யா கோயம்புத்தூர் மக்களுக்கு “அன்பான வரவேற்பு” அளித்தமைக்கு நன்றி தெரிவித்ததோடு, நகர மக்களும் காலநிலையும் அவரது நகரமான பெங்களூரை நினைவூட்டுவதாகக் கூறினார்.