பள்ளி திறப்பு மீண்டும் தள்ளிப்போகிறதா..?

கோடை விடுமுறை முடிந்து 2026 – 27-ம் கல்வி ஆண்டிற்கான வகுப்புகள் வரும் ஜூன் 4-ம் தேதி தொடங்கும் என பள்ளிக் கல்வித்துறை தெரிவித்துள்ளது. முன்னதாக ஜூன் 1-ம் தேதி திறக்கப்படும் என்று அறிவிக்கப்பட்டிருந்த நிலையில், வெயிலின் தாக்கம் காரணமாக ஜூன் 4-ம் தேதி பள்ளிகள் திறப்பு தள்ளிவைக்கப்பட்டது. அதன்படி வெப்பத்தின் தாக்கம் தொடர்ந்து அதிகரித்து வந்ததால் 3 நாட்கள் தள்ளி வைக்கப்பட்டு 4 -ம் தேதி (வியாழக் கிழமை) பள்ளிகள் திறக்கப்படும் என பள்ளிக்கல்வி துறை அமைச்சர் ராஜ்மோகன் தெரிவித்திருந்தார்.

பள்ளி திறப்புக்கு இன்னும் இரண்டு நாட்களே இருப்பதால், மாணவர்களும் சொந்த ஊர்களில் இருந்து திரும்பி வருகின்றனர். பள்ளி திறப்புக்கு மாணவர்களும் காத்திருக்கின்றனர். இதற்கிடையில், வெயிலின் தாக்கம் இன்னும் குறையாததால் பள்ளிகள் திறப்பை மேலும் ஒரு வாரம் தள்ளி வைக்க வேண்டும் என பல்வேறு தரப்பிலிருந்து கோரிக்கை எழுந்துள்ளது.

இந்நிலையில் அமைச்சர் செங்கோட்டையன் இன்று செய்தியாளர்களை சந்தித்து மழை முன்னெச்சரிக்கை நடவடிக்கைகள் குறித்து விளக்கமளித்தார். அப்போது அவர் பேசும்போது, “தமிழக முதலமைச்சர் உத்தரவின் படி துறைவாரியாக அனைத்து அமைச்சர்களும் ஆய்வு மேற்கொண்டு வருகிறோம். மழை வரும்போது தமிழகத்தில் பாதுகாப்பாக பணியாற்றுவதற்கு இந்த துறை வேகமாக செயல்பட்டு வருகிறது. தென்மேற்கு பருவமழை அந்தமான் பகுதிகளில் தொடங்கி உள்ளது. எதிர்காலத்தில் மழை எவ்வளவு அளவு பெய்ய உள்ளது. 3 ரேடாரில் ஆய்வு செய்து 24 மணி நேரமும் கண்காணித்து வருகிறோம். ” என்றார்.

தமிழகத்தில் வெயில் தாக்கம் குறித்தும் பள்ளி திறப்பு தள்ளிப்போகுமா என்பது குறித்தும் செய்தியாளர்கள் எழுப்பிய கேள்விக்கு பதிலளித்த அமைச்சர் செங்கோட்டையன், “தமிழகத்தில் இதுவரை வெயில் தாக்கத்தால் ஒருவர்கூட உயிரிழக்கவில்லை. வெயிலின் தாக்கம் அதிகம் இருந்ததால்தான் பள்ளி திறப்பு ஜூன்1-ம் தேதியிலிருந்து 4-ம் தேதிக்கு தள்ளி வைக்கப்பட்டது. அப்போது 41 டிகிரி செல்சியஸாக இருந்த வெப்பநிலை, தற்போது 35 ஆக குறைந்துள்ளதாக தெரிவித்தார்.

அந்தவகையில் வெயிலின் தாக்கம் தற்போது குறைந்துள்ளது என்றும் வெயில் மிதமாக இருப்பதால், பள்ளி திறக்க தடையில்லை. அதனால் திட்டமிட்டபடியே நாளை மறுநாள் பள்ளிகள் திறக்கப்படும் என்றும் அவர் திட்டவட்டமாக தெரிவித்தார்.