திமுக கூட்டணி மீண்டும் மகத்தான வெற்றி பெறும் – ப. சிதம்பரம் நம்பிக்கை

காரைக்குடியில் காங்கிரஸ் கட்சியின் மூத்த தலைவர் ப. சிதம்பரம் செய்தியாளர்களிடம் பேசுகையில் கூறியதாவது: தமிழ்நாட்டில் திமுக தலைமையிலான ஒரு வலுவான கூட்டணி உள்ளது. தற்போது நடைபெற்று வரும் தேர்தல் உட்பட கடந்த நான்கு தேர்தல்களாக இந்தக் கூட்டணி மக்களால் சோதிக்கப்பட்டு, அங்கீகரிக்கப்பட்டுள்ளது.

நாங்கள் 2019 மக்களவைத் தேர்தலில் வெற்றி பெற்றோம். அதனைத் தொடர்ந்து 2021 சட்டப்பேரவைத் தேர்தலில் மிகப்பெரிய வெற்றியைப் பதிவு செய்தோம். கடந்த 2024 மக்களவைத் தேர்தலில் தமிழகத்தின் 39 இடங்களிலும் நாங்கள் வெற்றி பெற்றோம். அதேபோல, தற்போது நடைபெற்று வரும் இந்தச் சட்டப்பேரவைத் தேர்தலிலும், காங்கிரஸ் இடம்பெற்றுள்ள திமுக தலைமையிலான கூட்டணி மிக எளிதாக வெற்றி பெறும் என்பதில் நாங்கள் உறுதியாக உள்ளோம்.”