மணிப்பூரில் இன்று 2ஆம் கட்ட வாக்குப்பதிவு ..!
மணிப்பூர் மாநிலத்தில் இரண்டாம் கட்ட சட்டப்பேரவைத் தேர்தல் தொடங்கியது. மணிப்பூர் சட்டப்பேரவையில் 60 தொகுதிகள் உள்ளன. அதில் கடந்த இருபத்தி எட்டாம் தேதி முப்பத்தி எட்டு தொகுதிகளுக்கு முதற்கட்டமாக வாக்குப்பதிவு நடைபெற்றது.
16 மாவட்டங்களில் உள்ள 22 தொகுதிகளுக்கு 2-ம் கட்ட வாக்குப்பதிவு தொடங்கியுள்ளது. அதற்காக 1247 வாக்குச்சாவடிகள் அமைக்கப்பட்டுள்ளன. 2 பெண்கள் உட்பட 92 வேட்பாளர்கள் களத்தில் உள்ளனர்.
காலை 7 மணிக்கு தொடங்கிய வாக்குப்பதிவு மாலை 4 மணி வரை நடைபெறும். வாக்குப்பதிவு நடைபெறும் பகுதிகளில் பலத்த பாதுகாப்பு போடப்பட்டுள்ளது. இரு கட்டங்களிலும் பதிவான வாக்குகள் வரும் 10ஆம் தேதி எண்ணப்படுகின்றன.
