தூங்க மறுத்த கைக்குழந்தையை கடித்த பணிப்பெண்..!

சிங்கப்பூரில் இரட்டைக் குழந்தைகளைப் பராமரிப்பதற்காக அமர்த்தப்பட்ட 33 வயது பணிப்பெண், குழந்தையை கடித்ததால் அவருக்கு 6 மாதம் சிறைத் தண்டனை வழங்கப்பட்டுள்ளது.

மசிதா கொரிடாதுரோச்மா என அடையாளம் காணப்பட்ட வீட்டுப் பணிப்பெண், வேண்டுமென்றே தேவையற்ற உடல் வலியை ஏற்படுத்தியதன் மூலம் ஒரு வயது சிறுமியை மோசமாக நடத்திய குற்றத்திற்காக ஆறு மாத சிறைத்தண்டனை விதிக்கப்பட்டார் என்று தி ஸ்ட்ரெய்ட்ஸ் டைம்ஸ் செய்தி வெளியிட்டுள்ளது.

இந்தோனேசியப் பிரஜையான பணிப்பெண் மசிதா, 2021 ஆம் ஆண்டு பாதிக்கப்பட்ட குழந்தையின் தாயாருக்காக வேலை செய்யத் தொடங்கினார். அவரது முதன்மைக் கடமைகளில் அவரது முதலாளியின் இரட்டைக் குழந்தைகளைப் பராமரிப்பது மற்றும் வீட்டு வேலைகளும் அடங்கும். இந்தநிலையில் கடந்த மே 26, 2022 அன்று, மசிதாவின் முதலாளி தனது மூத்த மகளை பாலர் பள்ளியிலிருந்து அழைத்துச் செல்வதற்காக வீட்டை விட்டு வெளியேறினார். அந்த நேரத்தில் 14 மாத வயதுடைய இரட்டைக் குழந்தைகளுடன் பணிப்பெண் வீட்டில் இருந்தார்.

அப்போதுதான் பணிப்பெண் குழந்தைகளை தூங்க வைக்க முயன்றார். இருப்பினும், சுமார் அரை மணி நேரம் போராட்டத்திற்குப் பின்னரும், ஒரு குழந்தை தூங்க மறுத்ததால் மசிதா அந்த குழந்தையின் கையில் கடித்து வைத்தார். குழந்தையின் தாய் வீடு திரும்பியதும், குழந்தையின் கையில் கடித்த அடையாளத்தின் வடிவத்தில் காயம் இருப்பதை தாய் பார்த்தார். இது குறித்து கேட்டபோது முதலில் மறுத்த மசிதா, பின்னர் ஒப்புக் கொண்டார்.

தி ஸ்ட்ரெய்ட்ஸ் டைம்ஸ் செய்தியின் படி, பணிப்பெண் மசிதா தனது முதலாளியிடம் மண்டியிட்டு மன்னிப்பு கேட்டார், ஆனால் குழந்தையின் தாய் இந்த விஷயத்தை போலிஸில் புகார் செய்தார். பாதிக்கப்பட்டவர் 14 வயது கைக்குழந்தை என்றும், மசிதா தான் வைத்திருந்த நம்பிக்கையின் நிலையை துஷ்பிரயோகம் செய்துள்ளார் எனவும், மசிதா பாதிக்கப்பட்டவரை “வேண்டுமென்றே” காயப்படுத்தினார் என்றும் தாயாரின் வழக்கறிஞர் வாதாடினார்.

அதைத் தொடர்ந்து மாவட்ட நீதிபதி Tan Jen Tse, சிறைவாசத்திற்கான ஏற்பாடுகள் தொடர்பாக இந்தோனேசியாவில் உள்ள அவரது குடும்பத்தினரைத் தொடர்புகொள்வது உட்பட, அவரது விவகாரங்களை ஒழுங்கமைக்க, அவரது தண்டனையை ஒரு வாரத்திற்கு ஒத்திவைக்குமாறு பணிப்பெண் மசிதாவின் கோரிக்கையை நீதிபதி ஒப்புக்கொண்டார். 33 வயதான அவர் தனது தண்டனையை அனுபவிக்கத் தொடங்குவதற்காக வருகிற செவ்வாயன்று மாநில நீதிமன்றங்களில் சரணடைவார் என்று எதிர்பார்க்கப்படுகிறது.