5 மாவட்டங்களில் இன்று கன மழை பெய்ய வாய்ப்பு..!

நீலகிரி, கோவை உள்ளிட்ட 5 மாவட்டங்களில் இன்று கன மழை பெய்ய வாய்ப்பிருப்பதாக சென்னை வானிலை ஆய்வு மையம் தெரிவித்துள்ளது. தேனி, திண்டுக்கல், தென்காசி, நீலகிரி, கோவை மாவட்டங்களில் மேற்கு திசை காற்றில் வேக மாறுபாடு காரணமாக ஓரிரு இடங்களில் இன்று கனமழை பெய்யக்கூடும் என கணிக்கப்பட்டுள்ளது.

சென்னையில் ஒரு சில இடங்களில் இடி, மின்னலுடன் கன மழை பெய்ய வாய்ப்பிருப்பதாகவும் தெரிவிக்கப்பட்டுள்ளது. கடந்த 24 மணி நேரத்தில் நீலகிரி, கோவை மாவட்டங்களில் பரவலாக மழை பெய்துள்ளது.

சென்னை மற்றும் புறநகர் நேற்று மாலை ஒரு சில இடங்களில் மழை பெய்கிறது. சென்னையில் ஒரு சென்டி மீட்டர் மழை பதிவாகியுள்ளது.