உள்நாட்டு கலவரத்தை தூண்டி விட ஸ்டாலின் சதி செய்வதாக அமைச்சர் ராஜேந்திரபாலாஜி குற்றம்சாட்டியுள்ளார். சிவகாசி ஊராட்சி ஒன்றியத்திற்கு உட்பட்ட பகுதிகளில் தேர்தல் பிரச்சாரம் மேற்கொண்ட அவர், செய்தியாளர்களுக்கு அளித்த பேட்டியில் இவ்வாறு தெரிவித்தார்.
உள்ளாட்சி தேர்தலில் அதிமுகவிற்கு வெற்றி வாய்ப்பு பிரகாசமாக உள்ளது என்று குறிப்பிட்ட அமைச்சர் ராஜேந்திர பாலாஜி குடியுரிமை சட்டத்திற்கு எதிராக போராடுபவர்கள் மக்களிடம் பீதியை கிளப்பி விடுகிறார்கள் என்றும் குற்றம்சாட்டினார்.
மேலும் உள்நாட்டு கலவரத்தை தூண்டிவிட ஸ்டாலின், சோனியா காந்தி, ராகுல் காந்தி சதி திட்டம் தீட்டுகிறார்கள் என்ற தகவல் தனக்கு வந்துள்ளது என்றும் அமைச்சர் ராஜேந்திரபாலாஜி குறிப்பிட்டுள்ளார்.
இந்தியாவிற்கு எதிராக குரல் கொடுப்பவர்கள் யாராக இருந்தாலும் பாரபட்சமின்றி அவர்கள் மீது மத்திய அரசு நடவடிக்கை எடுத்து தேசிய பாதுகாப்பு சட்டத்தின் கீழ் கைது செய்ய வேண்டும் என்றும் அமைச்சர் ராஜேந்திர பாலாஜி கூறினார்.
