பைபாஸில் உயிரைப் பணையம் வைக்கும் அரசியல் பித்து: திருமாவளவன் காரில் தொங்கிய நிர்வாகி – சட்டத்தை மிதிக்கும் அலட்சியப் போக்கு!

சமூக வலைதளங்களில் தற்போது ஒரு வீடியோ காட்சி வேகமாகப் பரவி, பொதுமக்கள் மற்றும் அரசியல் பார்வையாளர்கள் மத்தியில் கடுமையான விவாதத்தை ஏற்படுத்தியுள்ளது. விடுதலைச் சிறுத்தைகள் கட்சியின் தலைவர் திருமாவளவன் பயணித்த காரின் ஜன்னலில் தொங்கியபடி, ஒரு நிர்வாகி பைபாஸ் சாலையில் மணிக்கு 60 கிலோமீட்டருக்கும் அதிகமான வேகத்தில் பயணித்த விவகாரம்தான் அது.

ஒருபுறம் தலைவரைப் பாதுகாக்க வேண்டும் என்ற தொண்டனின் தீவிர பக்தி அல்லது ஆர்வம் என்று இதை நியாயப்படுத்த முயன்றாலும், மறுபுறம் இது அப்பட்டமான சாலை விதிகளை மீறும் செயலாகும்; அதையும் தாண்டி மனித உயிரின் மீது துளிக்கூட அக்கறையற்ற ஒரு ஆபத்தான முன்னுதாரணமாகும்.
காட்சிப்படுத்தப்பட்ட ஆபத்து: நெஞ்சை பதறவைக்கும் தருணம்!

வேகமும் பிடியும்: நகர்ப்புற நெரிசலில் அல்லது கூட்ட நெரிசலில் பவுன்சர்கள் பாதுகாப்பு அளிப்பது வழக்கமான ஒன்றுதான். ஆனால், வாகனங்கள் அதிவேகமாகச் செல்லும் பைபாஸ் சாலைகளில், காரின் ஜன்னல் வழியே உடல் தொங்கியபடி பயணிப்பது எந்த வகையிலும் நியாயப்படுத்த முடியாதது.

தற்செயல் விபரீதம்: அந்த குறுகிய பிடியையோ அல்லது நிலைத்தன்மையையோ அந்த நிர்வாகி ஒரு நொடி தவறவிட்டிருந்தாலும் நேர்ந்திருக்கக்கூடிய விபத்து கற்பனை செய்ய முடியாத பேரழிவை ஏற்படுத்தியிருக்கும்.

தலைவரின் மௌனம்: காருக்குள் ஏசி குளுகுளு சூழலில் அமர்ந்துகொண்டு, தன் அருகில் ஆபத்தான முறையில் தொங்கிக் கொண்டிருக்கும் தொண்டரிடம் தலைவர் இயல்பாகப் பேசிட்டே செல்வது போன்ற காட்சிகள், ‘தலைவருக்கு தன் மீது இவ்வளவு பாசம் இருக்கிறதா?’ என்ற கோணத்தைத் தாண்டி, “இந்த ஆபத்தை எப்படி தலைவர் அனுமதிக்கலாம்?” என்ற மிகப்பெரிய கேள்வியையே எழுப்புகிறது.

அவசரத் தேவையா அல்லது ஆணவத்தின் வெளிப்பாடா?

ஆலோசனைக்கு இடங்கள் இல்லையா? காரில் தொங்கிக் கொண்டுதான் முக்கியமான ஆலோசனைகளைக் கூற வேண்டுமா? அதற்கென்று அலுவலகங்கள் உள்ளன; தொலைபேசிகள் உள்ளன; அல்லது வழியில் காரை ஓரங்கட்டிவிட்டு நிதானமாகப் பேசியிருக்கலாமே! எதற்காக இந்த அதீத அவசரம்?

சாலை விதிகளுக்கு அனைவரும் சமம், சாதாரண குடிமக்கள் ஹெப்பட் அணியவில்லை என்றாலும், சீட் பெல்ட் அணியவில்லை என்றாலும் உடனடியாக அபராதம் விதிக்கப்படும் இந்த நாட்டில், பொதுவாழ்வில் முன்மாதிரியாக இருக்க வேண்டிய ஒரு கட்சியின் தலைவர் இத்தகைய அப்பட்டமான சாலை விதிகள் மீறலை அனுமதிப்பது ஏற்புடையதா?

தொண்டர்களின் மனநிலை நாளைய தலைமுறைகளுக்கும், மற்ற கட்சித் தொண்டர்களுக்கும் இது என்ன மாதிரியான சிக்ஸ்தை (Message) வழங்கும்? “நாங்கள் சட்டத்திற்கு அப்பாற்பட்டவர்கள்” என்ற தோற்றத்தையா இது ஏற்படுத்துகிறது? இது பாசத்தின் வெளிப்பாட்டை விட, ஒருவித அதிகாரத் திமிர் அல்லது அலட்சியப் போக்கின் வெளிச்சமாகவே பலராலும் பார்க்கப்படுகிறது.

மாற வேண்டிய அரசியல் கலாச்சாரம்!

தமிழ்நாட்டில் பெரும் தலைவர்களாகப் பரிணமிப்பவர்கள், தங்களைச் சுற்றியுள்ள நிகழ்வுகளைக் கையாள்வதில் கூடுதல் பக்குவத்தைக் கடைப்பிடிக்க வேண்டும். தொண்டர்களின் உயிரைப் பணையம் வைத்து நடத்தப்படும் இத்தகைய சாகசங்கள் எவ்வகையிலும் பாராட்டுக்குரியவை அல்ல.

தலைவர்களுக்கான உண்மையான பாதுகாப்பு என்பது அவர்கள் காரின் ஜன்னலில் தொங்கும் தொண்டர்களின் கைகளில் இல்லை; மாறாக, அவர்கள் கடைப்பிடிக்கும் ஒழுக்கத்திலும், சட்டத்தின் மீதான மரியாதையிலும்தான் அடங்கியுள்ளது. திருமாவளவன் போன்ற முற்போக்கு சிந்தனை பேசும் ஒரு தலைவர், இந்த விவகாரத்தில் தன் தரப்பிலிருந்து ஒரு தெளிவான வழிகாட்டுதலை வழங்கி, இதுபோன்ற ஆபத்தான செயல்களை எதிர்காலத்தில் தவிர்ப்பதே ஆரோக்கியமான அரசியல் நாகரிகத்திற்கு உகந்ததாகும்.

-சஷ்டி மு.கண்ணதாசன்