திருப்பூரில் வீட்டின் கதவை உடைத்து திருட்டு..குற்றவாளிக்கு 6 ஆண்டு சிறை மற்றும் ரூ.10,000 அபராதம்..!

திருப்பூரில் மத்திய காவல் நிலைய எல்லைக்குட்பட்ட பகுதியில் வீட்டின் கதவை உடைத்து பொருட்களை திருடிய நபருக்கு ஆறு வருடம் சிறை தண்டனை மற்றும் ரூ.10,000 அபராதம் விதிக்கப்பட்டது.

கடந்த மே 17ம் தேதி முதல் மே 31ம் தேதி வரை இடைப்பட்ட காலத்தில் திருப்பூர் மாநகரம் மத்திய காவல் நிலைய எல்லைக்குட்பட்ட ஆண்டிபாளையம், குறிஞ்சி நகர், அண்ணாமலையார் நகர் பகுதியில் சதிஷ்குமார்(52) என்பவரின் வீட்டின் முன்பக்க கதவை உடைத்து உள்ளே நுழைந்து பொருட்களை திருடிய நாகப்பட்டினம் மாவட்டத்தை சேர்ந்த சட்டநாதன்(40), என்பவரை கைது செய்து நீதிமன்ற காவலுக்கு உட்படுத்தப்பட்டு வழக்கு விசாரணையில் இருந்து வந்தது.

இந்த வழக்கு இன்று திருப்பூர் நீதித்துறை நடுவர்- நீதிமன்றத்தில் அனைத்து தரப்பு சாட்சிகளின் விசாரணை முடித்து, நீதித்துறை நடுவர் பழனிகுமார். குற்றவாளி சட்டநாதன் என்பவருக்கு இரண்டு பிரிவுகளின் கீழ் தலா மூன்று ஆண்டுகள் சிறை தண்டனையும், ரூ.10,000 அபராதமும் விதித்து தண்டனையை தனித்தனியாக அனுபவிக்குமாறு தீர்ப்பு வழங்கினார்.

இவ்வழக்கின் குற்றவாளிகளை உடனடியாக கைது செய்து, நீதிமன்றத்தில் இறுதியறிக்கை தாக்கல் செய்து வழக்கை சிறப்பாக கையாண்ட புலன்விசாரணை அதிகாரி மற்றும் அவருக்கு உறுதுணையாக இருந்த காவல் ஆளினர்களை திருப்பூர் மாநகர காவல் ஆணையர் லஷ்மி வெகுவாக பாராட்டினார்.