வெள்ள சேதம் – ஸ்டாலின் மெத்தனம் தான் இதற்கு காரணம்

மழை காலத்தில் திமுக அரசு மக்களுக்கு செய்த துரோகத்திற்கு நாடாளுமன்றத் தேர்தலில் டெபாசிட் இழக்கும் என்று எடப்பாடி பழனிசாமி கூறியுள்ளர்.

மிக்ஜாம் புயல் எதிரொலியாக சென்னை திருவொற்றியூர் பகுதியில் பாதிக்கப்பட்ட மக்களுக்கு நலதிட்ட உதவிகள் வழங்கும் நிகழ்ச்சியானது பகுதி செயலாளர் கே.குப்பன் தலைமையில் ஏற்பாடு செய்யப்பட்டிருந்தது.

இதில் அக்கட்சியின் பொதுச்செயலாளர் எடப்பாடி பழனிசாமி கலந்து கொண்டு நலதிட்ட உதவிகள் வழங்கினார். பின்னர் செய்தியாளர்களை சந்தித்த அவர், “மக்களின் பிரச்சினையை எடுத்து சொல்வதே எதிர்கட்சிகளின் பணி. அதிமுக ஆட்சியில் 1240 கிலோ மீட்டர் வடிநீர் கால்வாய் பணி தொடங்கப்பட்டது. ஆட்சி மாற்றத்தின் பின்னர் இரண்டரை ஆண்டுகள் கிடப்பில் போட்டு கமிஷன் வாங்குவதிலேயே குறியாக அமைச்சர்கள் இருந்தனர்.

பத்திரிக்கைகள் உண்மையை ஆராய்ந்து உண்மை செய்தி போட வேண்டும். இந்த அரசு வந்த பிறகு தான் பணப்பட்டுவாடா செய்கின்றனர். திமுக அரசை காப்பாற்றுவது ஊடகங்கள் தான். வருகின்ற நாடாளுமன்ற தேர்தலில் திமுக மக்களுக்கு இழைத்த அநீதிக்கு டெபாசிட் கூட வாங்காது” என்று கூறினார்.