ரூ.73,000-ஐ கடந்த தங்க விலை..!

கடந்த சில மாதங்களாக தங்கம் விலை தொடர்ந்து உயர்ந்து வந்த நிலையில், கடந்த மே மாதத்தில் ஏற்ற இறக்கங்களை சந்தித்தது. இதற்கு முன்னர் கடந்த ஏப்ரல் மாதத்தில் 22 காரட் ஆபரணத் தங்கம் ரூ.74 ஆயிரத்தை கடந்து உச்சத்தை தொட்டது.

ஜூன் மாதம் தொடங்கியதிலிருந்தே தங்கம் விலை தொடர்ந்து உயர்ந்து வருகிறது.இந்த நிலையில் இன்று தங்கம் விலை மேலும் அதிகரித்துள்ளது. 22 காரட் ஆபரணத் தங்கம், கிராமுக்கு ரூ.40 உயர்ந்து, ஒரு கிராம் ரூ.9130-க்கும், சவரனுக்கு ரூ.320 உயர்ந்து, ஒரு சவரன் ரூ.73,040-க்கு விற்பனை செய்யப்படுகிறது.

18 காரட் தங்கம் கிராமுக்கு ரூ.10 உயர்ந்து, ஒரு கிராம் தங்கம் ரூ.7490-க்கும், சவரனுக்கு ரூ.80 உயர்ந்து, ரூ.54,920-க்கும் விற்பனை செய்யப்படுகிறது.வெள்ளி விலையில் மாற்றம் ஏதுமில்லாமல், ஒரு கிராம் வெள்ளி ரூ.114-க்கும், ஒரு கிலோ வெள்ளி ரூ.1,14,000-க்கும் விற்பனை செய்யப்படுகிறது.