ரூ.70,000-த்தை கடந்த தங்கம் விலை..!

தங்கம் விலை வரலாறு காணாத அளவு உயர்ந்துள்ளதால், பொதுமக்கள் அதிர்ச்சியடைந்துள்ளனர்.அமெரிக்க அதிபர் டிரம்ப் மற்ற நாடுகள் மீது வரி விதித்ததால், கடந்த சில நாட்களாக தங்கம் விலை உச்சம் தொட்டது. மீண்டும் இந்த வரிகளை டிரம்ப் நிறுத்தி வைத்துள்ளதால், பங்குச்சந்தை மீண்டும் ஏற்றம் காணும் என எதிர்பார்க்கப்பட்டது.

இந்த நிலையில், முதலீட்டாளர்கள் சிலர் தங்கத்தை பாதுகாப்பான முதலீடாகக் கருதுவதால், தங்கத்தின் தேவை அதிகரித்து, தங்கம் விலையும் கூடி வருகிறது.நேற்று (ஏப்ரல் 11) தங்கம் விலை கிராமுக்கு ரூ.185 உயர்ந்து, ஒரு கிராம் தங்கம் ரூ.8,745-க்கும், சவரனுக்கு ரூ.1,480 உயர்ந்து, ஒரு சவரன் ரூ.69,960-க்கும் விற்பனை செய்யப்பட்டது.

இந்த நிலையில், இன்று (ஏப்ரல் 12) தங்கம் விலை கிராமுக்கு ரூ.25 உயர்ந்து, ஒரு கிராம் தங்கம் ரூ.8,770-க்கும், சவரனுக்கு ரூ.200 உயர்ந்து, ஒரு சவரன் ரூ.70,160-க்கும் விற்பனை செய்யப்படுகிறது.அதேபோல, 18 காரட் தங்கம் கிராமுக்கு ரூ.20 உயர்ந்து, ஒரு கிராம் தங்கம் ரூ.7,265-க்கும், ஒரு சவரன் தங்கம் ரூ.160 உயர்ந்து, ரூ.58,120-க்கும் விற்பனை செய்யப்படுகிறது.

மேலும், வெள்ளி விலையும் கிராமுக்கு ரூ. 2 அதிகரித்து, ஒரு கிராம் வெள்ளி ரூ.110-க்கும், ஒரு கிலோ வெள்ளி ரூ.1,10,000-க்கும் விற்பனை செய்யப்படுகிறது.