தொழில்நுட்ப உலகில் கற்பனையை மிஞ்சும் பல விஷயங்கள் சாத்தியப்பட்ட கொண்டே வருகின்றன. ஏதோ ஒரு காலத்தில் இவையெல்லாம் சாத்தியம் என எண்ணிய விஷயங்கள் நம் கண்முன்னே சாத்தியமாகி இருப்பதைப் பார்த்துக் கொண்டிருக்கும் தலைமுறையாக இருக்கின்றோம்.
மருத்துவம் முதல் பொழுதுபோக்கு வரை தொழில்நுட்பங்களின் மாயாஜாலங்கள் நாளுக்கு நாள் விரிவடைந்து கொண்டே செல்கின்றன .குறிப்பாக லைட்டுகள் மூலம் செய்யப்படும் மாயாஜாலங்கள் பொழுதுபோக்கில் அதிகமாகவே இருக்கும்.
அந்த வகையில் மேற்கொள்ளப்பட்ட பொழுதுபோக்கு நிகழ்ச்சியின் வீடியோ ஒன்று இணையத்தில் கலக்கி வருகிறது. அந்த வீடியோவில் மேலிருந்து கீழே தண்ணீர் கொட்டுவது போல் ஆங்கில எழுத்துக்களும், கணித உருவங்களும் விழுவது ஒளிக்கலவை செய்யப்பட்டுள்ளது.
வண்ணமயமான ஆங்கில எழுத்துக்களும் கீழே விழுந்து மறைவதுடன் மீண்டும் புதியதாக மேலிருந்து கீழே விழுவது காண்போரை வியக்க வைக்கிறது. அருகில் இருந்து பார்ப்பவர்களுக்கு மட்டுமே தெரியும் ஆங்கில எழுத்துக்கள் ஒளியில் இருந்து விழுகிறது என்று தொலைவிலிருந்து பார்க்கும் பொழுது மாயாஜாலங்கள் என்று பலர் நினைக்க கூடும். இது இப்பொழுது இணையத்தில் வைரலாகி வருகிறது.
