கேரளாவில் அவசர உதவி எண்ணை மக்கள் எளிதாக அறிந்து கொள்ளும் வகையில் அம்மாநில காவல்துறை நடிகர் விஜயின் படங்களை வைத்து புதிய யுக்தி மூலம் வித்தியாசமாக விளம்பரம் செய்துள்ளது வரவேற்பை பெற்று வருகிறது.
பொதுவாக நாம் பேருந்திலோ ரயிலிலோ அல்லது சாலைகளில் பயணிக்கும் பொழுது எதிர்பாராத விதமாக நமக்கு அவசர உதவி தேவைப்படும். அந்த வகையில் மத்திய அரசு 112 என்ற அவசர எண்ணை கொண்டுவந்தது.
நாடு முழுவதும் அவசர உதவிக்கு ஒரே எண்னை அழைக்கும் திட்டத்தின் கீழ் இந்த திட்டம் படிப்படியாக பல மாநிலங்களில் அறிமுகப்படுத்தப்பட்டு வரும் நிலையில் இந்த திட்டத்தில் கேரள மாநில அரசு தரப்பில் இணைத்துள்ளது.
இந்த நிலையில் 112 என்ற எண்ணை விளம்பரப்படுத்த கேரள மாநில காவல்துறை நடிகர் விஜய்யை வைத்து மேற்கொண்டுள்ள புதிய முயற்சி தற்போது இணையத்தில் வைரலாகி வருகிறது.
