பீகார் தேர்தல் 2025: அமித்ஷா விடுத்த வேண்டுகோள்

பீகார் சட்டமன்றத் தேர்தலின் முதல் கட்ட வாக்குப்பதிவு இன்று (நவம்பர் 6) நடைபெற்று வரும் நிலையில், அமித் ஷா ட்விட்டரில் பீகார் வாக்காளர்களுக்கு வேண்டுகோள் விடுத்துள்ளார்.

“பீகார் வாக்காளர்களே, குறிப்பாக இளைஞர்களே, இன்று நடைபெறும் முதற்கட்டத் தேர்தலில் நீங்கள் அதிக எண்ணிக்கையில் வாக்களிக்க நான் கேட்டுக்கொள்கிறேன். உங்களின் ஒவ்வொரு வாக்கும், பீகாரில் ‘ஜங்கில் ராஜ்’ (வன ஆட்சியின்) திரும்புவதைத் தடுத்து, நல்லாட்சியைத் தக்கவைக்கவும், வளர்ந்த மற்றும் தற்சார்பு கொண்ட பீகாரை உருவாக்கவும் வழி வகுக்கும்.

ஊடுருவல்காரர்களுக்கும் நக்ஸலைட்டுகளுக்கும் பாதுகாப்பு அளிப்பதன் மூலம் நாட்டின் பாதுகாப்பில் விளையாடுபவர்களுக்கு இந்தத் தேர்தலில் பாடம் புகட்டுங்கள்.

மாநிலத்தில் உள்ள ஒவ்வொரு குடிமகனுக்கும் நவீன கல்வி வழங்குதல், ஏழைகளுக்கு நலன் மற்றும் இளைஞர்களுக்கு வேலைவாய்ப்புகள் வழங்குவதுடன், பீகாரின் பெருமையை மீட்டெடுப்பதில் உங்கள் வாக்கு மிக முக்கியப் பங்கு வகிக்கும்.”