டெல்டாவில் கனமழை: 1 லட்சம் ஏக்கர் பயிர்கள் நீரில் மூழ்கின

வடகிழக்கு பருவமழை தொடங்கியதன் எதிரொலியாக, டெல்டா மாவட்டங்களான தஞ்சாவூர், திருவாரூர், மயிலாடுதுறை மற்றும் நாகப்பட்டினம் ஆகியவற்றில் திங்கள்கிழமை இரவு முதல் செவ்வாய்க்கிழமை வரை கன முதல் மிக கனமழை கொட்டித் தீர்த்தது.

தஞ்சாவூரில் அறுவடைக்குத் தயாராக இருந்த குறுவை மற்றும் நடவு செய்யப்பட்ட சம்பா பயிர்கள் சுமார் 10,000 ஏக்கரில் நீரில் மூழ்கின. திருவாரூரில் 25,000 ஏக்கர் குறுவை மற்றும் சம்பா பயிர்கள் நீரில் மூழ்கின. நாகப்பட்டினத்தில் சுமார் 50,000 ஏக்கர் நெற்பயிர்கள் சேதமடைந்தன. மயிலாடுதுறையில் 15,000 ஏக்கர் நெற்பயிர்கள் மழைநீரில் மூழ்கியுள்ளன.