குழந்தையை சாக்கில் மூடி மிரட்டிய அங்கன்வாடி ஊழியர் கைது..!

தென்காசி மாவட்டம் பாவூர்சத்திரம் அருகே, அங்கன்வாடி மையத்தில் அழுது அடம் பிடித்த குழந்தையை மிரட்டுவதற்காக சாக்குப்பையால் மூடிய கொடூர சம்பவத்தில், சம்பந்தப்பட்ட அங்கன்வாடி ஊழியர் கலைச்செல்வி என்பவரை காவல்துறை கைது செய்துள்ளது.

தென்காசி மாவட்டம் பாவூர்சத்திரம் அருகேயுள்ள வென்னிமலை முருகன் கோயில் பகுதியில் அங்கன்வாடி மையம் ஒன்று செயல்பட்டு வருகிறது. இந்த மையத்தில் குழந்தைகளைப் பராமரிக்கும் பணியில் கலைச்செல்வி என்ற ஊழியர் ஈடுபட்டு வந்தார்.

சம்பவத்தன்று அங்கிருந்த ஒரு குழந்தை தொடர்ந்து அழுதுகொண்டே இருந்ததாகவும், அங்கன்வாடி ஊழியரின் பேச்சைக் கேட்காமல் அடம் பிடித்ததாகவும் கூறப்படுகிறது. இதனால் ஆத்திரமடைந்த கலைச்செல்வி, குழந்தையை அமைதிப்படுத்த முயலாமல், அதற்கு மாறாக குழந்தையை பயமுறுத்தி மிரட்டுவதற்காக ஒரு பெரிய சாக்குப்பையை எடுத்து குழந்தையின் தலை மீது போட்டு மூட முயன்றுள்ளார்.

1953-ல் ஹிட்டான பாடல், 36 ஆண்டுக்கு பின் அதே இசையில் உருவான புதிய பாட்டு: இசைஞானிக்காக எம்.எஸ்.வி செய்த மேஜிக் பெங்களூரு கடையில் சிக்கிய தமிழக மின்வாரிய ஹார்டு டிஸ்க்குகள்: கைதான ஒப்பந்த ஊழியரிடம் விசாரணை தீவிரம். இந்தக் கொடூரமான செயல், அங்கிருந்த ஒருவரால் வீடியோவாகப் பதிவு செய்யப்பட்டு, சமூக வலைத்தளங்களில் வேகமாகப் பரவியது.

பச்சிளம் குழந்தைகளிடம் இத்தகைய கொடூரமான மற்றும் ஆபத்தான முறையில் நடந்துகொண்ட ஊழியருக்கு எதிராக இணையதளங்களில் பொதுமக்கள் மற்றும் பெற்றோர்கள் தரப்பில் கடும் கண்டனங்கள் எழுந்தன. அந்த ஊழியர் மீது கடுமையான நடவடிக்கை எடுக்க வேண்டும் என்று கோரிக்கை விடுத்தனர்.

சமூக வலைதளங்களில் வீடியோ வைரலானதைத் தொடர்ந்து, சட்டம் ஒழுங்கு மற்றும் குழந்தைகள் பாதுகாப்பை உறுதி செய்யும் பொருட்டு காவல்துறை உடனடியாக இந்த விவகாரத்தைக் கையில் எடுத்தது.வீடியோ ஆதாரத்தின் அடிப்படையில், பாவூர்சத்திரம் காவல் நிலைய போலீசார் உடனடியாக வழக்குப் பதிவு செய்து தீவிர விசாரணை நடத்தினர். தொடர்ந்து, குழந்தையை சாக்கில் மூடி மிரட்டிய குற்றத்திற்காக அங்கன்வாடி ஊழியர் கலைச்செல்வியை போலீசார் கைது செய்துள்ளனர்.

அரசு நடத்தும் அங்கன்வாடி மையங்களில், பச்சிளம் குழந்தைகள் பாதுகாப்பாகப் பராமரிக்கப்பட வேண்டிய இடத்தில், ஊழியரே குழந்தையைச் சாக்கில் மூடி அச்சுறுத்திய சம்பவம் அப்பகுதி மக்களிடையே பரபரப்பை ஏற்படுத்தியுள்ளது