தொண்டி பேரூராட்சி நிர்வாகத்தைக் கண்டித்து மாபெரும் கவன ஈர்ப்பு பொதுக்கூட்டம்!

​​தொண்டி பேரூராட்சியில் அடிப்படை வசதிகளை நிறைவேற்றக் கோரியும், பேரூராட்சி நிர்வாகத்தின் ஊழல் புகார்களைக் கண்டித்தும் பல்வேறு அமைப்புகள் சார்பில் மாபெரும் கவன ஈர்ப்பு பொதுக்கூட்டம் நடைபெற்றது.

​முக்கிய நிகழ்வுகள்: தலைமை: தொண்டி ஐக்கிய ஜமாஅத் தலைவர் செய்யது அலி தலைமை வகித்தார்.
​முன்னிலை: இந்துமத தர்ம பரிபாலன சபையின் தலைவர் ராஜசேகர் முன்னிலை வகித்தார்.

​பங்கேற்பாளர்கள்: தமிழக மக்கள் ஜனநாயக கட்சியின் மாநில தலைவர் கே.எம்.சரீஃப், விசிக மாநில துணைப் பொதுச் செயலாளர் கனியமுதன், மூத்த பத்திரிகையாளர் தமிழா தமிழா பாண்டியன், தமுமுக மாநில செயலாளர் சாதிக்பாட்ஷா மற்றும் திரளான பொதுமக்கள் கலந்துகொண்டனர்.

​முன்வைக்கப்பட்ட குற்றச்சாட்டுகள்:

​நிர்வாகச் சீர்கேடு: கடந்த சில நாட்களுக்கு முன்பு நடைபெற்ற முற்றுகைப் போராட்டத்தின் கோரிக்கைகள் மீது எந்தவித நடவடிக்கையும் எடுக்கப்படவில்லை.

​ஊழல் புகார்:

திமுக பேரூராட்சி தலைவரும், அவரது மகனும் இணைந்து பேரூராட்சி நிர்வாகத்தில் பல கோடி ரூபாய் முறைகேடுகளில் ஈடுபட்டுள்ளதாக கூட்டத்தில் குற்றம் சாட்டப்பட்டது.

​அடிப்படை வசதிகள்:

15 வார்டுகளிலும் சாலை, வடிகால் மற்றும் குடிநீர் வசதிகள் மிகவும் மோசமான நிலையில் உள்ளதாகக் கண்டனம் தெரிவிக்கப்பட்டது.

​நிறைவேற்றப்பட்ட தீர்மானங்கள்:

​”வருகிற மார்ச் மாத இறுதிக்குள் சாலை, வடிகால் மற்றும் குடிநீர் உள்ளிட்ட அடிப்படை வசதிகளைப் போர்க்கால அடிப்படையில் சீரமைக்க வேண்டும். தவறினால், தொண்டி பொதுமக்கள் எவரும் பேரூராட்சிக்குச் செலுத்த வேண்டிய வரிகளைச் செலுத்தமாட்டோம் என ஒருமனதாகத் தீர்மானிக்கப்பட்டது.”

​மேலும், உரிய நடவடிக்கை எடுக்கத் தவறினால் வரவிருக்கும் சட்டமன்றத் தேர்தலில் ஆளும் திமுக அரசு தொண்டி பகுதியில் பெரும் பின்னடைவைச் சந்திக்க நேரிடும் எனவும் எச்சரிக்கப்பட்டது. அசம்பாவிதங்களைத் தவிர்க்க தொண்டி போலீசார் பலத்த பாதுகாப்புப் பணியில் ஈடுபட்டிருந்தனர்.