உண்மை காரணத்தை விடுப்பு விண்ணப்பத்தில் மாணவனுக்கு குவியும் பாராட்டுகள்!

திருவாரூர் மாவட்டத்தில் உண்மை காரணத்தை கூறி விடுமுறை விண்ணப்பம் எழுதிய அரசுப்பள்ளி மாணவனின் நேர்மைக்கு சமூகவலைதளங்களில் பாராட்டுகள் குவிந்து வருகின்றன.

திருவாரூர் அரசு பள்ளியில் எட்டாம் வகுப்பு படிக்கும் தீபக் கடந்த 18ஆம் தேதி விடுமுறை அளிக்க வேண்டி வகுப்பு ஆசிரியருக்கு கடிதம் எழுதியுள்ளான். அதில் தனது வீட்டின் அருகே நடைபெற்ற கபடி போட்டியை இரவு முழுவதும் தூங்காமல் பார்த்ததால் உடல் சோர்வாக உள்ளதாகவும், இதனால் தனக்கு ஒரு நாள் விடுமுறை அளிக்குமாறு அந்த கடிதத்தில் மாணவன் குறிப்பிட்டுள்ளார்.

இதனைப் படித்ததும் மாணவனின் நேர்மையை உணர்ந்த வகுப்பாசிரியர் அந்த விண்ணப்பத்தை சமூக வலைதளங்களில் பதிவிட்டுள்ளார். மாணவனின் நேர்மையை சமூக வலைதளங்களில் பலரும் பாராட்டி வருகின்றனர்.